లడ్డూ వివాదంపై మరో 24 గంటలు ఉత్కంఠ, సుప్రీం కేసు రేపటికి వాయిదా

తిరుపతి లడ్డూ వివాదంపై ఉత్కంఠ కొనసాగుతోంది. సుప్రీంకోర్టుకు చేరిన ఈ వివాదంపై తీర్పును రేపటికి వాయిదా వేసింది. తిరుపతి లడ్డూ ప్రసాదం తయారీలో గొడ్డుకొవ్వును వైసీపీ హయాంలో వాడారన్న చంద్రబాబు ఆరోపణపై సీబీఐ విచారణ కోరుతూ సుప్రీంకోర్టులో పిటీషన్లు దాఖలయ్యాయి. దీనిపై ప్రాధమిక విచారణ సెప్టెంబర్ 30న జరిగింది. విచారణ తిరిగి అక్టోబర్ 3న జరుగుతుందని, ఆ రోజు తీర్పు ఇస్తామని సుప్రీంకోర్టు ధర్మాసనం ప్రకటించింది. అనుకున్న సమయం ప్రకారం ఈవేళ సాయంత్రం 3.30 గంటలకు కేసును జస్టిస్ గవాయ్ నేతృత్వంలోని ధర్మాసనం విచారణ తీసుకుంది. లడ్డూ తయారీపై నివేదికను సమర్పించేందుకు సమయం కావాలని సాలిసిటర్ జనరల్ తుషార్ మెహతా కోరారు. దీంతో ధర్మాసనం ఈ కేసు తీర్పును శుక్రవారం అంటే అక్టోబర్ 5వ తేదీ ఉదయం 10.30 గంటలకు వాయిదా వేసింది.