గ్రామ, వార్డు సచివాలయ ఉద్యోగుల ఐక్య కార్యాచరణ

ఏపీ గ్రామ, వార్డు సచివాలయ ఉద్యోగుల సమస్యలు పరిష్కరించాలని కోరుతూ ఐక్య కార్యాచరణ సమితి ఆధ్వర్యంలో శనివారం సాయంత్రం విజయవాడలోని ప్రెస్ క్లబ్ లో జరిగిన సమావేశం తీర్మానించింది. ప్రస్తుతం ఎదుర్కొంటున్న సమస్యలపై 30 సంఘాలు కలిపి ఈ సమావేశం నిర్వహించాయి. ప్రధానంగా సీనియర్ అసిస్టెంట్ పేస్కేల్ అమలు చేయాలని, సర్వీస్ నిబంధనలు, స్పష్టమైన జాబ్ చార్ట్ లు అమలు, ప్రమోషన్లు, అంతర్ జిల్లా బదిలీలు, సొంత మండలంలో ఉద్యోగం చేసుకునే వెసులుబాటు కల్పించాలనే డిమాండ్లను ప్రభుత్వం ముందుంచారు. ఈ డిమాండ్లను ప్రభుత్వం వెంటనే నెరవేర్చాలని వారు కోరారు. జూలై 12న విజయవాడలో జరుపుకునే మొట్ట మొదటి ఆత్మ గౌరవ సభను జయప్రదం చేయాలని గ్రామ వార్డు సచివాలయం ఉద్యోగులకు పిలుపు నిచ్చారు.