నకిలీ మద్యం తయారీ కేసులో జనార్ధన్ ఉక్కిరి బిక్కిరి

ఇప్పటి వరకు బయటపడిన మొలకల చెరువు, ఇబ్రహీంపట్నం, భవాని పురం, పరవాడ తరహాలోనే రాష్ట్రంలోని వివిధ ప్రాంతాల్లో నకిలీ మద్యం యూనిట్లు ఉన్నాయని జనార్దన్‌ చెప్పినట్లు తెలుస్తోంది. దీంతో రాష్ట్రంలో పలు చోట్ల విజిలెన్స్ అండ్ ఎన్‌ఫోర్స్‌మెంట్‌ అధికారులు సోదాలు జరుపుతున్నారు.

ఇప్పటికే తమ అదుపులో ఉన్న కీలక నిందితుడు ఏ-1 జనార్దన్‌రావు నుంచి పోలీసులు వివరాలు రాబట్టే ప్రయత్నం చేస్తున్నారు. కీలక నిందితుడైన జయచంద్రారెడ్డి అరెస్టుకు ఎక్సైజ్‌ అధికారులు రంగం సిద్ధం చేశారు. బెంగళూరులో ఆయన ఉంటున్న స్థావరాలను గుర్తించారు. ప్రత్యేక బృందాలు అక్కడికి వెళ్లాయి. జయచంద్రారెడ్డి బావమరిది గిరిధర్‌రెడ్డి కూడా లొంగిపోవడానికి సిద్ధమైనట్లు తెలిసింది. ఎన్టీఆర్‌ జిల్లా ఇబ్రహీంపట్నానికి చెందిన జనార్దన్‌రావు.. జయచంద్రారెడ్డికి స్నేహితుడు కావడంతో ములకలచెరువుకు వచ్చిన సమయంలో పలువురితో పరిచయం పెంచుకున్నారు. వీరి ద్వారా నకిలీ మద్యం తయారుచేసి నియోజకవర్గంలో వైన్‌షాపులు, బెల్ట్‌ షాపుల ద్వారా విక్రయించినట్లు అధికారులు అంచనాకు వచ్చారు.