'జగన్‌ అంటే నమ్మకం..చంద్రబాబు అంటే మోసం'

ఈ సందర్భంగా సజ్జల రామకృష్ణారెడ్డి మాట్లాడుతూ.. కూటమి ప్రభుత్వం, సీఎం చంద్రబాబు ఏడాది పాలనపై తీవ్ర స్థాయిలో విమర్శలు గుప్పించారు. ఏడాది కూటమి పాలనంతా విధ్వసంమే అని ధ్వజమెత్తారు. కూటమి ప్రభుత్వం, సీఎం చంద్రబాబు ఇచ్చిన ఏ ఒక్క హామీని కూడా అమలు చేయలేదని విమర్శించారు. భారత దేశపు రాజ్యాంగాన్ని పక్కన పెట్టి రెడ్‌బుక్‌ రాజ్యాంగాన్నే అమలు చేశారని, దీనికి సంబందించిన వాస్తవాలు.. ఆధారాలతో కలిపి ఈ పుస్తకాన్ని తెచ్చినట్లు తెలిపారు. మోసపు హామీలు, అబద్దాపు మాటలతో మభ్యపెట్టి ఆంధ్రప్రదేశ్‌ ప్రజలకు ఎలా వెన్నుపోటు పొడిచారో కూడా ఈ పుస్తకంలో వివరించినట్లు సజ్జల పేర్కొన్నారు. ఆంధ్రప్రదేశ్‌ ప్రజలకు వైఎస్‌ జగన్‌మోహన్‌రెడ్డి పాలన బంగారు భవిష్యత్‌ వంటిదని, కూటమి, సీఎం చంద్రబాబు ఏడాది పాలనంతా చీకటి మయమే అని ఎద్దేవా చేశారు. కూటమి ప్రభుత్వం, సీఎం చంద్రబాబు దుష్ట పాలన మొత్తం గురించి బుక్‌ వేయాలంటే ఐదువేల పేజీలు అవుతుందన్నారు. ఏడాది దుష్ట పాలన మీద తీసుకొచ్చిన జగన్‌ అంటే నమ్మకం.. చంద్రబాబు అంటే మోసం పుస్తకాన్ని ప్రతి ఒక్కరు చదవాలని, దుష్ట పాలన గురించి తెలుసుకోవాలని, తద్వార ముకుతాడు వేయాలని సజ్జల రామకృష్ణారెడ్డి కోరారు.