ఏపీలో ఇంటర్‌ విద్యార్థులకు ఉచితంగా పుస్తకాలు

ఏపీ విద్యాశాఖ మంత్రిగా బాధ్యతలు చేపట్టిన నారా లోకేష్‌ ఇంటర్మీడియట్‌ విద్యపై పూర్తి స్థాయిలో సమీక్ష నిర్వహించారు. ఇప్పటి వరకు ఇంటర్‌ విద్యార్థులకు పాఠ్యపుస్తకాలు, నోట్‌ పుస్తకాలు, బ్యాగులు ఉచితంగా ఇవ్వడం లేదు. అయితే 2024–25 విద్యా సంవత్సరానికి ఇవన్నీ ఫ్రీగా ఇవ్వాలని లోకేష్‌ ఆదేశించారు. గత సంవత్సరం ఇంటర్‌లో పరీక్షలు రాసిన వారిలో మొదటి సంవత్సరం విద్యార్థులు 4,99,556 మంది ఉన్నారు. రెండో సంవత్సరం విద్యార్థులు 5,02,394 మంది ఉన్నారు. మొత్తం 10,01,950 మంది విద్యార్థినీ విద్యార్థులు ఉన్నారు. ఈ విద్యా సంవత్సరంలో కూడా దాదాపు పది లక్షల మంది విద్యార్థులు ఉంటారు.