కేరళ నుంచి ఈశాన్యం వరకు విస్తరించిన ద్రోణి..ఏపీలో నేడు భారీ వర్షాలు

ఆంధ్రప్రదేశ్‌లో రాష్ట్ర వ్యాప్తంగా పలు ప్రాంతాల్లో అతి భారీ వర్షాలు పడనున్నాయి. రుతుపవనాల ప్రభావం వల్ల అరేబియా సముద్రంలో అల్పపీడనం ఏర్పడే అవకాశాలు ఉన్నాయి. మరో వైపు రుతుపవనాల ప్రభావం వల్ల దక్షిణ కోస్తాంధ్రతో పాటు తమిళనాడును ఆనుకొని బంగాళాఖాతంలో ప్రస్తుతం ఉపరితల ఆవర్తనం కొనసాగుతోంది. ఈ నేపథ్యంలో ఆంధ్రప్రదేశ్‌లోని పలు ప్రాంతాల్లో బుధవారంతో పాటు గురుకువారం కూడా ఓ మోస్తరు నుంచి అతి భారీ వర్షాలు కురిసే అవకాశాలు ఉన్నాయని వాతావరణ శాఖ అంచనా వేస్తోంది. బుధవారం ఆంధ్రప్రదేశ్‌లోని అంబేద్కర్‌ కోనసీమ జిల్లాతో పాటు, తూర్పుగోదావరి, కాకినాడ, కృష్ణా జిల్లా, పశ్చిమ గోదావరి జిల్లా, రాయలసీమ ప్రాంతాల్లోని నంద్యాల జిల్లా, కడప జిల్లాల్లో భారీ నుంచి అతి భారీ వర్షాఉ కురిసే అవకాశం ఉందని వాతావరణ శాఖ అంచనా వేస్తోంది.