దేవి నవరాత్రులు: ఏడో రోజు శ్రీ సరస్వతీదేవి అలంకణలో కొలువైన అమ్మవారు

దేవి నవరాత్రులలో ఏడో రోజు దుర్గమ్మ అమ్మవారు ప్రత్యేక అలంకరణలో కొలువయ్యారు. ఏడో రోజు సప్తమి తిథి, మూల నక్షత్రం రోజు దుర్గమ్మ అమ్మవారు చదువుల తల్లి శ్రీ సరస్వతీ దేవిగా భక్తులకు దర్శనమిస్తున్నారు. శ్వేతపద్మాన్ని అధిష్టించి వీణ, కమండలం, అక్షరమాలను ధరించి, అభయముద్రతో విరాజిల్లే శ్రీ సరస్వతీదేవి అలంకణలో కొలువై ఉన్నారు. ప్రత్యేకించి ఈ రోజు తల్లిదండ్రులు తమ పిల్లలకు మంచి విద్యాబుద్దులు సిద్ధించాలని సరస్వతీ పూజలు చేస్తారు. దుర్గమ్మకు ఉన్న అనేక నామాల్లో శ్రీ శారదాదేవి నామం అతి విశిష్టమైంది.