నగ్నవీడియోలలో దొరికిన ఈ ఇద్దరు బీజేపీ నేతలు ఎవరు?
ఏపీ రాజకీయ ప్రముఖులు నగ్న వీడియో వివాదాల్లో చిక్కుకోవడం ఇదే తొలిసారి కాదు. గతంలో కొందరు వైసీపీ నేతలపై వచ్చిన ఆరోపణల లాంటివే ఇప్పుడు బీజేపీ నేతలపై వచ్చాయి.
బీజేపీ నాయకులిద్దరి నగ్న వీడియోలు ఇప్పుడు సోషల్ మీడియాలో హల్ చల్ చేస్తున్నాయి. వీళ్లలో ఒకరు గుంటూరు జిల్లా బీజేపీ మాజీ అధ్యక్షుడు కాగా మరొకరు పార్టీ రాష్ట్ర అధికార ప్రతినిధి అనే వదంతులు బయటికి వచ్చాయి. తమ పార్టీకి చెందిన ఓ మహిళతో రాష్ట్ర అధికార ప్రతినిధి ఒకరు వీడియోకాల్‌లో మాట్లాడుతూ నగ్నంగా కనిపించారు. ఇప్పుడీ వ్యవహారం పార్టీ నాయకత్వం దృష్టికి వెళ్లింది. బీజేపీ మీడియా వ్యవహారాలు పర్యవేక్షించే నేత ఒకరు దీనిపై విచారణ చేసి.. పార్టీ పెద్దలకు నివేదికను పార్టీ రాష్ట్ర అధ్యక్షురాలుకు ఇచ్చారు. పార్టీ నాయకత్వం ఆదేశాల మేరకు వీరిద్దరిపైనా చర్యలు తీసుకోనున్నారు. పార్టీ చర్య తీసుకోవడానికి ముందే వీళ్లిద్దరితో రాజీనామా చేయించనున్నట్టు తెలిసింది.
గుంటూరు జిల్లా పార్టీ అధ్యక్షుడు ఓ మహిళకు సంబంధించిన వీడియో కాల్ బుధవారం వైరల్ అవుతోంది. "రేపు నాతో వస్తావా?" అని ఆయన ఆమెను అడగడం వినబడుతుంది. "పోయనసారి మాదిరే రేపు తాగుదాం..." అని చెప్పడం కూడా వినపడింది.