నెల్లూరులో టీడీపీకి భారీ షాక్..వైసీపీలోకి ఐదుగురు కార్పొరేటర్లు

తాడేపల్లిలోని వైఎస్సార్‌సీపీ కేంద్ర కార్యాలయంలో జరిగిన కార్యక్రమంలో ఈ ఐదుగురు కార్పొరేటర్లు వైఎస్ జగన్ సమక్షంలో ఆ పార్టీ కండువాలు కప్పుకున్నారు. ఈ ఐదుగురు టీడీపీ కార్పొరేటర్లు వైఎస్సార్‌సీపీలో చేరడంలో మాజీ మంత్రి అనిల్ కుమార్ యాదవ్, ఎమ్మెల్సీ చంద్రశేఖర్ లు కీలక పాత్ర పోషించారు.  

మద్దినేని మస్తానమ్మ (6వ డివిజన్‌) 

ఓబుల రవిచంద్ర (5వ డివిజన్‌)

కాయల సాహితి (51వ డివిజన్‌)

వేనాటి శ్రీకాంత్ రెడ్డి (16వ డివిజన్‌)

షేక్‌ ఫమిదా (34వ డివిజన్‌)

 నెల్లూరు కార్పొరేషన్‌లో నెలకొన్న ప్రస్తుత రాజకీయ సంక్షోభం, మేయర్ పొట్లూరి స్రవంతిపై ప్రతిపాదిత అవిశ్వాస తీర్మానం నేపథ్యంలో ఈ చేరికలు ప్రాధాన్యత సంతరించుకున్నాయి. గతంలో మేయర్ స్రవంతి దంపతులు వైఎస్సార్‌సీపీకి రాజీనామా చేసి టీడీపీకి మద్దతిచ్చే ప్రయత్నం చేశారు. ఈ పరిణామాల మధ్య టీడీపీకి చెందిన కార్పొరేటర్లు తిరిగి వైఎస్సార్‌సీపీ గూటికి చేరడం గమనార్హం. ఈ చేరికలతో నెల్లూరు కార్పొరేషన్‌లో వైఎస్సార్‌సీపీ బలం మరింత పెరిగింది, ఇది రాబోయే స్థానిక రాజకీయ సమీకరణాలపై, ముఖ్యంగా మేయర్ అవిశ్వాస తీర్మానంపై తీవ్ర ప్రభావం చూపే అవకాశం ఉంది.