ఏపీ కల్చరల్ అఫైర్స్ కు ‘అంబేడ్కర్ స్మృతివనం’

సాంఘిక సంక్షేమ శాఖ అధీనంలో ఉన్న డాక్టర్ బిఆర్ అంబేడ్కర్ స్మృతివనం ను ఏపీ కల్చరల్ అఫైర్స్ (AP Cultural Affairs)  కు బదిలీ చేసేందుకు ప్రభుత్వం నిర్ణయించింది. ఈ మేరకు మంగళవారం సచివాలయంలో జరిగిన మంత్రివర్గ సమావేశంలో ఆమోదం తెలిపారు. ఇప్పటి వరకు సాంఘిక సంక్షేమ శాఖ ద్వారా నిర్వహణ జరుగుతోంది. నిత్యం అంబేద్కర్ స్మృతివనంలో సాంస్కృతిక కార్యక్రమాలు జరగాలంటే స్మృతివనం యువజన సర్వీసుల శాఖ పరిపాలనా నియంత్రణలో ఉన్న ఏపీ కల్చరల్ అఫైర్స్ డైరెక్టర్ కు బదిలీ చేస్తే మంచిదని ప్రభుత్వం భావించింది. దీంతో మంత్రి వర్గంలో చర్చించి ఏపీ కల్చరల్ అఫైర్స్ కు బదిలీ చేస్తూ తీర్మానించారు.