హాస్యం పేరిట హింస! ఇవా నవ్వించే సినిమాలు?

మనిషి నవ్వేది సరదా కోసం కాదు ,తమలో ఉన్న ఉద్వేగాల్ని వెలుపలికి తీసుకురావడానికి. పని ఒత్తిడి, ఆర్థిక బాధలు, ఒంటరితనం, అర్థంకాని సమాజపు వేధింపులు – ఇవన్నీ కలసినప్పుడు ఒక నవ్వు, చిన్నదైనా, లోపల నుంచి వస్తే గొప్ప రిలీఫ్. అలాంటి రిలీఫ్ ఇవ్వగలిగేదే నిజమైన కామెడీ. అందుకే, సినిమాల్లో హాస్యానికి ఎప్పుడూ ఓ స్థానం ఉంటుంది – అది ఒత్తిడిలో ఉన్న జనం ఉపశమనం కోసం ఎంచుకునే ఓ మార్గం. కామెడీ సినిమాలు అందుకే ఆడుతుంటాయి. అయితే ఆ కామెడీ వారిని నిజంగా నవ్వించగలగాలి,కవ్వించగలగాలి, వారిలోని ఒత్తిడిని బయిటపడేయగలగాలి. మన సౌతిండియన్ లాంగ్వేజ్ లలో కొద్దో గొప్పో కామెడీలు వర్కవుట్ అవుతున్నాయేమో కానీ, బాలీవుడ్ లో మాత్రం భారీగా బోల్తా పడుతున్నాయి.

ఒకప్పుడు ప్రేక్షకులను నవ్వించి హాయిగా బయటకు పంపిన బాలీవుడ్ కామెడీ సినిమాలు, ఇప్పుడు అదే ప్రేక్షకులను అసహనంతో నెట్టేస్తున్నాయి. Housefull 5, Son of Sardaar 2 వంటి సినిమాలు ఈ దిగజారుతున్న హాస్య ప్రయాణానికి నిదర్శనాలు.

వినోదం పేరుతో అపహాస్యం

హౌస్‌ఫుల్ 5 ఒక మల్టీస్టార్ ఎంటర్‌టైనర్. కానీ సినిమాలో వినిపించిన జోకులు పాతివి కావడం మాత్రమే కాదు, అసభ్యకరమైనవి, అవమానకరమైనవి. శరీరాకృతి, లింగం, లైంగికత వంటి విషయాలపై జోకులు అనుకుని పేల్చిన వ్యాఖ్యలు ప్రేక్షకుల్లో సిగ్గుపడేంత స్థాయికి చేరాయి. హాస్యం అనేది ఎవరినైనా ఎత్తి చూపించే కళ అయ్యినప్పుడు అంతం మొదలైనట్లే.

తాజాగా వచ్చిన అజయ్ దేవరగన్ "Son of Sardaar 2" కూడా అదే పరిస్దితి. ఈ సినిమా ఒక సీక్వెల్ మాత్రమే కాదు – అది ఒక సందర్భం కోల్పోయిన అర్దం పర్దం లేని డైలాగులు దొంతర. ఇండియా-పాకిస్తాన్ సంబంధాలపై పేలిన జోకులు, వినసొంపులేని పంచులు… అన్నీ గత కాలపు రికార్డులు లాగ వినిపించాయి. కొత్తదనం లేని డైలాగులు, బాధ్యత లేని స్క్రీన్‌రైటింగ్ వల్ల సినిమా మరింత విసుగు పుట్టించింది. ఈ సినిమాలు నవ్వించడంలో కాదు – అలసట కలిగించడంలో సక్సెస్ అయ్యాయి.

ప్రేక్షకుల అభిరుచి మారింది – కానీ దర్శకులది కాదు

ఒకప్పుడు ఓ చిన్న జోక్ కు, కామెడీ పంచ్ పడి పడీ నవ్వేవారు జనం. కానీ ఇప్పుడు ప్రేక్షకుడు TVF, Panchayat, లాంటి కామెడీలను, భావనల మధ్య పుట్టే హ్యూమర్‌ను ఆస్వాదిస్తున్నాడు. అతనికి బూతులు విని నవ్వే అవసరం లేదు. అతనికి కథ నుంచి వచ్చే సిట్యువేషన్ బేస్డ్ కామెడీ కావాలి.

OTTలు, కొత్త తరం ఫిల్మ్ మేకింగ్, సామాజిక ఆత్మపరిశీలన – ఇవన్నీ కలవడంతో ప్రేక్షకుడు మరింత చైతన్యవంతంగా మారాడు. కానీ దర్శకులు ఇంకా పాత జోకుల గుట్టలని ప్రేక్షకుడి మీదకు విసురుతున్నారు.

హాస్యం అనే కళకు బాధ్యత ఉండాలి

కామెడీ అనేది కేవలం నవ్వించడానికే కాదు. అది మనసు దేనిపై నవ్వుతో స్పందించాలో చెప్తుంది. దాన్ని తక్కువ చేసి చూస్తే, ప్రేక్షకుడు మనల్ని మళ్లీ చూడాలనుకోడని మరువకూడదు. హాస్యంలో కూడా నిజాయితీ ఉండాలి. అది కూడా ఆర్ట్. ప్రతి జోక్ ఒక పాత్ర నుంచి రావాలి. టైమ్‌పాస్ కామెడీకి బదులు, హ్యూమన్ మోటివేషన్ మీద ఆధారపడే కామెడీ రావాలి.

ప్రముఖ రచయిత Jon Stewart అన్నట్టు:

“The best comedy punches up, not down.”

అంటే, హాస్యం ఎప్పుడూ శక్తివంతుల వైపు వేళ్లనెత్తాలి. బలహీనుల మీద నవ్వించడం అనేది ఎప్పుడూ హాస్యం కాదు — హింసే.

బాక్స్ ఆఫీస్ వాస్తవాలు: మార్కెట్ ట్రెండ్ ఎలాంటి కామెడీ కోరుతోంది?

భారతీయ బాక్స్ ఆఫీస్ డేటా ప్రకారం (2024–2025 మధ్య): Clean, intelligent comedies (like Zara Hatke Zara Bachke, Dream Girl) నెమ్మదిగా గ్రోత్ చూపించాయి.

Loud slapstick comedies 60% వరకు collectionsలో పడిపోయాయి.

OTT హిట్‌లు కూడా mostly situational humour కలిగినవే (Gulmohar Grand, Panchayat).

పెద్ద బడ్జెట్ హాస్య సినిమాలు సగం రేంజ్‌కి కూడా వర్కవుట్ కాలేదు. ఈ ట్రెండ్ బోల్డ్‌గా చెప్తుంది: ప్రేక్షకుడు వాడి సమస్యల మధ్యే పుట్టే హాస్యాన్ని కోరుకుంటున్నాడు.

చివరగా ...హాస్యం అనేది కేవలం కొద్దిసేపు నవ్వించేందుకు సృష్టించబడినదే కాదు — అది సమాజాన్ని చూసే మరో దృష్టికోణం. ఒక అభివృద్ధి చెందిన సినిమా పరిశ్రమలో, కామెడీ ఓ తేలికపాటి విభాగం కాదు. అది ప్రజల ఒత్తిడిని పరిణతిగా అర్థం చేసుకునే కళ. నవ్వు ఎంత గట్టిగా వచ్చిందన్నదానికంటే, అది ఎక్కడి నుంచి వచ్చిందన్నదే అసలైన ప్రశ్న. ఈ రోజు ప్రేక్షకుడు కేవలం హాస్యాన్ని అనుభవించడానికే కాదు, తన జీవితాన్ని ప్రతిబింబించేలా చూసేందుకు వస్తున్నాడు. అతనికి వినోదం అవసరం, కానీ బాధ్యతతో కూడిన వినోదం.