మూడోసారి పోటీ చేస్తానంటున్న ట్రంప్
అవకాశం లేదంటున్న స్పీకర్
By : Praveen Chepyala
Update: 2025-10-29 06:20 GMT
అమెరికా అధ్యక్షుడిగా మూడోసారి పోటీ చేసే అవకాశం గురించి ఆలోచిస్తున్న డొనాల్డ్ ట్రంప్ కు షాక్ తగిలింది. అమెరికా రాజ్యాంగం మూడోసారి అధ్యక్షుడిగా పోటీ చేయడానికి అనుమతించదని హౌజ్ స్పీకర్ మైక్ జాన్సన్ అన్నారు.
ట్రంప్ కు దగ్గరవ్వడం ద్వారా తన కెరీర్ ను నిర్మించుకున్న రిపబ్లికన్ నాయకుడు జాన్సన్.. ఈ అంశంపై చర్చించామని, అయితే స్పీకర్ రాజ్యాంగాన్ని సడలించే మూడో పదవీకాలం వ్యతిరేకిస్తున్నారని అన్నారు.
ట్రంప్ పరిస్థితిని అర్థం చేసుకున్నారని జాన్సన్ అన్నారు. ‘‘నేను రాజ్యాంగంలోని పరిమితుల గురించి మాట్లాడుకున్నాము’’ అని చెప్పారు. రాజ్యాంగంలోని 22వ సవరణ మూడో అధ్యక్ష పదవిని ఎలా అనుమతించదో, కొత్త సవరణతో దానిని మార్చడం, రాష్ట్రాలను కాంగ్రెస్ లో ఓట్లను గెలుచుకోవడం ఒక క్లిష్టమైన దశాబ్ధకాలం పాటు సాగే ప్రక్రియ అని స్పీకర్ వివరించారు.
అమెరికన్ ప్రజలకు హమీ ఇస్తున్నామని, మాకు నాలుగు సంవత్సరాల కాలం ఉందని అన్నారు. ట్రంప్ తన రెండో పదవీకాలంలో కేవలం పది నెలల మాత్రమే అధికారంలో ఉన్నారు. అయినప్పటికీ ఆయన మరోసారి పోటీ చేయాలని ట్రంప్ వాంఛిస్తున్నారు. ఈ నేపథ్యంలో స్పీకర్ వ్యాఖ్యాలు వచ్చాయి.
‘‘ట్రంప్ 2028’’ అని పిలిచే టోపీలను చట్టసభ సభ్యులు అందజేస్తున్నారు. ట్రంప్ మాజీ ప్రచార నిర్వాహాకుడు, పాడ్ కాస్టర్ అయిన స్టీఫెన్ బానన్ ఆయన మూడోసారి పోటీ చేస్తారని చెప్పారు.
ఈ మధ్య ట్రంప్ ఎయిర్ ఫోర్స్ వన్ లో మాట్లాడుతూ.. తాను మరోసారి పరుగెత్తాలని అనుకుంటున్నానని మదిలోని మాటను చెప్పారు. తదుపరి అధ్యక్ష అభ్యర్థికి రిపబ్లిక్ పార్టీకి గొప్ప వ్యక్తులు ఉన్నారని చెప్పారు. తనతో పాటు విదేశాంగ కార్యదర్శి మార్కో రూబియో, ఉపాధ్యక్షుడు జేడీ వాన్స్ వంటి వ్యక్తులు ముందు వరుసలో ఉన్నారు.
ట్రంప్ ఆశీర్వాదంతో హౌజ్ స్పీకర్ గా వేగంగా ఎదిగిన లూసియానా రిపబ్లికన్ జాన్సన్ కూడా ఈ జాబితాలో ఉన్నాడు. అయినప్పటికీ ట్రంప్ మూడోసారి పోటీ చేయడాన్ని ఆయన వ్యతిరేకిస్తున్నారు.