చెన్నై నుంచి తిరుమలకు గొడుగుల ఊరేగింపు

తిరుమల శ్రీవారికి పురటాసి మాసంలో జరిగే బ్రహ్మోత్సవం సందర్భంగా స్వామివారి గరుడసేవ కోసం తమిళనాడు భక్తులు హిందూ ధర్మార్థ సమితి తరపున గొడుగులు సమర్పించడం ఆనవాయితీ. ప్రతి ఏడాదిలాగే ఈ ఏడాది తిరుమల గొడుగుల ఊరేగింపు కోసం చెన్నై లోని చెన్న కేశవ పెరుమాళ్ ఆలయంలో ప్రత్యేక ఏర్పాట్లు చేశారు. ఆలయంలో గొడుగులకు ప్రత్యేక పూజలు నిర్వహించి, అనంతరం గొడుగుల యాత్రను ప్రారంభించారు .

ఈ సందర్భంగా హిందూ ధర్మార్థ సమితి ట్రస్టీ ఆర్.ఆర్. గోపాల్‌జీ మాట్లాడుతూ "పూజలు ఘనంగా జరిగాయి. దక్షిణ భారతదేశంలో గొడుగులు ఊరేగింపు గొప్ప కార్యక్రమం. తిరుకుడై ఊరేగింపులో మాత్రమే 20 లక్షల మందికి పైగా పాల్గొంటానన్నారు లక్షలాది ప్రజల ప్రార్థనలతో, తిరుమల శ్రీవారికి మేము గొడుగులు సమర్పిస్తాం గతేడాది భారీ వర్షాలు కురిసినా లక్షలాది మంది గొడుగుల కోసం ఎదురుచూశారు. ఈ కార్యక్రమానికి వస్తురూపంగాని ధన రూపంగా గాని ఎటువంటి డొనేషన్లు తీసుకోబడవని అన్నారు.