అపరిచితుల నుంచి వీడియో కాల్స్ వస్తే...తస్మాత్ జాగ్రత్త!

సైబర్ నేరగాళ్ల బ్లాక్ మెయిల్

సైబర్ నేరగాళ్లు పోలీస్ అధికారి ఫోటోను డీపీగా పెట్టుకుని వీడియో కాల్ చేసి ‘మీ కుమారుడు తన స్నేహితులతో కలిసి ఒక మహిళపై సామూహిక అత్యాచారానికి పాల్పడ్డాడు. అతన్ని జైల్లో వేశాం.’ అంటూ బ్లాక్ మెయిల్ చేశాడు.ఇదే విషయాన్ని పేర్కొంటూ రాష్ట్ర డీజీపీ ప్రజలకుసూచనలు చేశారు. ఇలాంటి ఘటనలు ఎదురైతే 1930 కి ఫోన్ చేసి పోలీసులకు సమాచారం అందించాలనని కోరారు.

పెరుగుతున్న సైబర్ నేరాలు

తెలంగాణలో సైబర్ నేరాల సంఖ్య పెరుగుతుండటం అందరినీ ఆందోళనకు గురిచేస్తోంది. 2019వ సంవత్సరంలో తెలంగాణలో 2,691 సైబర్ నేరాలు జరిగాయి. 2020లో వీటి సంఖ్య 5,024కు పెరిగాయి. 2021లో 10,303 కేసులు నమోదయ్యాయి. దేశంలో 20 శాతం సైబర్ నేరాలు తెలంగాణ రాస్ట్రంలోనే జరిగాయని ఎన్ సీఆర్ బీ నివేదికలు వెల్లడించాయి.

తెలంగాణ సైబర్ పోలీసుల రికార్డు

తెలంగాణలో సైబర్ నేరాలు పెరగడంతో అప్రమత్తమైన సైబర్ సెక్యూరిటీ బ్యూరో అప్రమత్తమైంది. సైబర్ నేరాల బారిన పడకుండా ప్రజలను అప్రమత్తం చేయడంతోపాటు సైబర్ మోసాల బారిన పడిన బాధితులకు రూ.85.05 కోట్ల ను రిఫండ్ చేయడంలో పోలీసులు కీలక పాత్ర వహించారు. సైబర్ నేరాలపై నేషనల్ సైబర్ క్రైం రిపోర్టింగ్ పోర్టల్ ద్వారా పోలీసులు కేసులు నమోదు చేశారు.