Cricketer Trisha | తెలంగాణ అమ్మాయి గొంగడి త్రిష వరల్డ్ రికార్డ్
మలేషియా కౌలాలంపూర్‌లో జరుగుతున్న అండర్-19 మహిళల టీ20 వరల్డ్ కప్‌లో తొలి సెంచరీ సాధించిన బ్యాటర్‌గా తెలంగాణ అమ్మాయి గొంగడి త్రిష రికార్డు సృష్టించింది.
మలేషియా రాజధాని కౌలాలంపూర్‌లో జరుగుతున్న అండర్-19 మహిళల టీ20 వరల్డ్ కప్ లో చరిత్రలోనే తొలి సెంచరీ సాధించిన బ్యాటర్ గా తెలంగాణ అమ్మాయి గొంగడి త్రిష రికార్డు సృష్టించింది. మొత్తం 59 బంతులు ఎదుర్కొని 13 ఫోర్లు, 4 సిక్స్ లతో అజేయంగా 110 పరుగులు చేసింది. ఒపెనర్లు కమలినీ, త్రిష బౌండరీలతో స్కోరు బోర్డును పరుగులెత్తించారు.
- తన సెంచరీతో టీమిండియా స్కాట్లాండుకు 209 పరుగుల భారీ లక్ష్యాన్ని ఇచ్చింది. అండర్ 19 మహిళల టీ 20 వరల్డ్ కప్ లో శతకం సాధించిన తొలి క్రీడాకారిణిగా త్రిష నిలిచింది. తెలంగాణలోని భద్రాచలం పట్టణానికి చెందిన తెలుగమ్మాయి గొంగడి త్రిష టాప్ స్కోరర్ గా నిలిచింది.
- భద్రాచలం నుంచి రైట్ హ్యాండ్ బ్యాట్స్ ఉమెన్ , రైట్ ఆర్మ్ లెగ్ బ్రేక్ బౌలరుగా క్రికెట్ లో త్రిష రాణిస్తోంది. మలేషియాలో జరుగుతున్న ఈ క్రికెట్ టోర్నీలో హైదరాబాద్ జట్టు నుంచి ప్రాతినిథ్యం వహిస్తుంది.
భద్రాచలంలో అభినందన ర్యాలీ
భద్రాచలం పట్టణానికి చెందిన గొంగడి త్రిష సెంచరీ సాధించడంతో భద్రాచలంలో క్రికెట్ అభిమానులు అభినందన ర్యాలీ జరిపారు.భద్రాచలం క్రికెట్ మైదానం నుంచి మోటారు సైకిల్ ర్యాలీ నిర్వహించారు. భద్రాచలంలోనే చదువుకున్న త్రిష సెంచరీ సాధించడంతో భద్రాచలంలో ప్రజలు హర్షం వ్యక్తం చేశారు.
Next Story