అమరావతి ఇక సైబర్ సెక్యూరిటీ హబ్

చర్చల్లోని కీలక అంశాలు

విశాఖ-చెన్నై పారిశ్రామిక కారిడార్‌లో యూఏవీ (UAV) డ్రోన్ల తయారీ యూనిట్లను నెలకొల్పాలని సీఎం కోరారు. ముఖ్యంగా తీరప్రాంత గస్తీ (Coastal Security) , వ్యవసాయ రంగంలో డ్రోన్ల వినియోగంపై ఇజ్రాయెల్ సాంకేతికతను ఏపీకి అందించాలని విజ్ఞప్తి చేశారు. నీటి పొదుపు , వ్యర్థ జలాల నిర్వహణలో ఇజ్రాయెల్ ప్రపంచంలోనే ప్రథమ స్థానంలో ఉంది. అదే తరహా రీసైక్లింగ్ సాంకేతికతను ఆంధ్రప్రదేశ్‌లో అమలు చేసేందుకు సహకారం అందించాలని బాబు కోరారు. రాజధాని అమరావతిలో పటిష్టమైన సైబర్ భద్రతా వ్యవస్థను నిర్మించేందుకు ఇజ్రాయెల్ కంపెనీలను భాగస్వామ్యం చేయాలని ప్రతిపాదించారు.

ఎందుకు ఈ భేటీ ముఖ్యం

ఇజ్రాయెల్ దేశం రక్షణ, వ్యవసాయం, టెక్నాలజీ రంగాల్లో అత్యున్నత ప్రమాణాలు కలిగి ఉంది. చంద్రబాబు అడిగిన డ్రోన్ల తయారీ..సైబర్ సెక్యూరిటీ అంశాలు ఏపీ భవిష్యత్తుకు అత్యంత కీలకం. ఈ ఒప్పందాలు కార్యరూపం దాల్చితే విశాఖ నుండి నెల్లూరు వరకు ఉన్న తీరప్రాంతంలో భారీగా ఉపాధి అవకాశాలు మెరుగుపడటమే కాకుండా రక్షణ రంగంలో ఏపీ కీలక కేంద్రంగా మారుతుందని భావిస్తున్నారు.