కట్టడానికి రూ. 42 కోట్లు.. పునర్నిర్మాణానికి 53 కోట్లు..

అహ్మదాబాద్ వెస్ట్‌లోని ఖోఖ్రా - CTM ప్రాంతాలను కలుపుతూ నిర్మించిన హత్కేశ్వర్ వంతెన నవంబర్ 2017లో ప్రజలకు అందుబాటులోకి తెచ్చినప్పటి నుంచి వివాదాలకు కేంద్రంగా ఉంది. కేవలం రెండు నెలల్లో, అంటే, జనవరి 2018 నాటికి, కొన్ని నిర్మాణ లోపాలు బయటపడ్డాయి. ఆ తర్వాత వంతెన మరమ్మత్తు చేశారు.

"ఆగస్టు 2022లో నిర్వహించిన స్థిరత్వ నివేదికలో వంతెన పూర్తిగా సురక్షితం కాదని నివేదిక ఇచ్చింది. దాంతో ఉన్న ఫలంగా ట్రాఫిక్ ను దారి మళ్లించి, వంతెన మూసి వేశారు" అని గుజరాత్ హోం శాఖ సహాయ మంత్రి హర్ష్ సంఘవి అన్నారు.

2018 నుంచి, AMC దాని కూల్చివేత కోసం నాలుగు సార్లు టెండర్లను ఆహ్వానించింది, అయితే మరిన్ని దరఖాస్తులను కోరేందుకు గడువును పదే పదే పొడిగించాల్సి వచ్చింది. అయితే, ఈ ప్రాజెక్టు కోసం బిడ్డర్ ఎవరూ ముందుకు రాలేదు. ఆగస్ట్ 6న ముగిసిన తాజా టెండర్, కూల్చివేత ప్రాజెక్టుకు ఖరారు చేసిన ఒక బిడ్డర్‌తో మాత్రమే ముగిసింది.

2017లో వంతెనను నిర్మించిన కంపెనీ నుంచి వంతెనను కూల్చివేసి, పునర్నిర్మించడానికి వెచ్చించిన మొత్తాన్ని రికవరీ చేస్తామని అహ్మదాబాద్ మునిసిపల్ కార్పొరేషన్ చెప్పినప్పటికీ, బీజేపీ ఆధ్వర్యంలో నడుస్తున్న ఈ కార్పొరేషన్ పై అనేక ప్రశ్నలు ఉన్నాయి.

వంతెనను అజయ్ ఇంజినీరింగ్ ఇన్‌ఫ్రాస్ట్రక్చర్ ప్రైవేట్ లిమిటెడ్, దాని ప్రాజెక్ట్ మానిటరింగ్ కన్సల్టెంట్, పార్ట్‌నర్ SGS ఇండియా ప్రైవేట్ లిమిటెడ్ నిర్మించారు. “ ఈ వంతెన పునర్నిర్మాణంతో సహా మొత్తం ఖర్చు కేవలం ఐదేళ్లలో రూ. 94 కోట్ల వరకు ఉంటుంది ” అని సంఘవి అన్నారు. పాలన సంఘం అప్పటి నుంచి కాంట్రాక్టర్‌ను బ్లాక్‌లిస్ట్ చేసింది. దాని ఉన్నతాధికారులను అరెస్టు చేసింది.

" జనవరి 2018 నాటికి హత్కేశ్వర్ వంతెన దెబ్బతింది, కొన్ని నిర్మాణ లోపాలు వెలుగులోకి వచ్చాయి, ఇది ప్రజా వినియోగానికి పనికిరాకుండా పోయింది" అని AMC స్టాండింగ్ కమిటీ ఛైర్మన్ దేవాంగ్ డాని ఫెడరల్‌తో అన్నారు.

అయితే, వంతెనను తాత్కాలికంగా మూసివేసి, మరమ్మతులు చేసి, మరోసారి ప్రజల కోసం తెరిచారు. కానీ మార్చి 2021లో, క్యారేజ్‌వే మధ్యలో ఒక పెద్ద గుంత కారణంగా దాన్ని మళ్లీ తాత్కాలికంగా మూసివేయాల్సి వచ్చింది. తరువాత, ప్రయాణికులు అనేక ఫిర్యాదులు చేయడంతో వంతెన పరిస్థితిని పరిశోధించడానికి AMC ద్వారా ఒక కమిటీని ఏర్పాటు చేశారు.

2022లో, IIT-రూర్కీ స్టెబిలిటీ టెస్ట్ నిర్వహించి, వంతెన ప్రజా ఉపయోగానికి పనికిరాదని నివేదిక ఇచ్చింది. " బ్రిడ్జిని ఓపెన్ చేయడానికి ముందు కాంట్రాక్టర్ ఎటువంటి లోడ్ పరీక్షను నిర్వహించలేదు. డిజైన్, మెటీరియల్‌లలో అన్ని భద్రతా కారకాలను నిర్వీర్యం చేసే నాణ్యత లేని కాంక్రీటు ఉపయోగించారు." తెలియజేసింది. దీని తర్వాత ఆ వంతెనను శాశ్వతంగా మూసివేశారు.

నివేదిక ఆధారంగా, AMC స్టాండింగ్ కమిటీ "ఇది AMCని మోసగించడంలో కాంట్రాక్ట్, ప్రాజెక్ట్ మేనేజ్‌మెంట్ కన్సల్టింగ్‌లో భాగంగా స్పష్టమైన కుట్ర" అని పేర్కొంది. పౌర సంఘం కాంట్రాక్టర్‌ను బ్లాక్‌లిస్ట్ చేసి, అజయ్ ఇన్‌ఫ్రా చైర్మన్ రమేష్ పటేల్, అతని కుమారులు, మేనేజింగ్ డైరెక్టర్లు చిరాగ్ కుమార్ పటేల్, కల్పేష్ కుమార్ పటేల్, మరో మేనేజింగ్ డైరెక్టర్ రసిక్ అంబాలాల్ పటేల్, SGS ఇండియా ప్రైవేట్ లిమిటెడ్ ముగ్గురు అధికారులపై ఎఫ్ఐఆర్ నమోదు చేసింది. వీరిపై నేర విశ్వాస ఉల్లంఘన, మోసం నేరపూరిత కుట్ర వంటి సెక్షన్లపై కేసు నమోదు చేశారు.

SGS ఇండియాకు చెందిన ప్రవీణ్ దేశాయ్, భైలాల్ భాయ్ పాండ్యాతో పాటు కంపెనీకి చెందిన నలుగురు డైరెక్టర్లను అరెస్టు చేశారు. AMC తన స్వంత సిబ్బందిలో ఏడుగురిపై చట్టపరమైన చర్యలు తీసుకోవాలని నిర్ణయించింది, వారిపై సస్పెన్షన్‌ వేటు వేసింది.

అయితే, వంతెనను కూల్చివేసి పునర్నిర్మించాల్సి ఉంటుంది, అయితే AMC 2018 నుంచి టెండర్లు జారీ చేసినప్పటికీ బిడ్డర్లను కనుగొనడంలో ఇబ్బంది పడింది.

కూల్చివేత, పునర్నిర్మాణం కోసం AMC మూడుసార్లు టెండర్లను ఆహ్వానించింది, కానీ ఏ కంపెనీ స్పందించలేదు. మూడవసారి, మేము మహారాష్ట్రకు చెందిన కంపెనీ నుంచి ఒక బిడ్‌ను స్వీకరించాము, కానీ చాలా పత్రాలు లేవు. ఈ తప్పిపోయిన పత్రాల సమర్పణ కోసం మేము చాలాసార్లు కంపెనీని సంప్రదించాము. కానీ చివరికి, కంపెనీ వెనక్కి తగ్గింది, ”డాని ది ఫెడరల్‌తో అన్నారు. నాలుగో ప్రయత్నంలో రాజస్థాన్‌కు చెందిన ఓ కంపెనీ ఈ ప్రాజెక్టును చేపట్టేందుకు అంగీకరించింది.

విష్ణు ప్రకాశ్ ఆర్ పుంగ్లియా లిమిటెడ్ అనే కంపెనీ నుంచి రూ.52.7 కోట్ల విలువైన నాల్గవ టెండర్ వచ్చింది. మేము దాని పత్రాలను మూల్యాంకనం కోసం ఆడిటర్‌లకు పంపాము. ఒక వారంలోపు నివేదికను ఆశిస్తున్నాము ” అని డాని జోడించారు.

AMC ఇప్పుడు కూల్చివేత ప్రక్రియను 15 రోజుల్లో పూర్తి చేయాలని, రాబోయే 18 నెలల్లో కొత్త వంతెనను సిద్ధం చేయాలని లక్ష్యంగా పెట్టుకుందని డాని చెప్పారు. అయితే, AMCకి సమర్పించిన టెండర్ ప్రకారం, కూల్చివేత, పునర్నిర్మాణానికి 28 నెలలు పడుతుంది, ప్రాథమిక సర్వేలు, డిజైన్ తయారీకి నాలుగు నెలలు మాత్రమే కేటాయించారు. కూల్చివేత దశలో పెద్ద క్రషర్లు, డైమండ్ కట్టింగ్ టూల్స్ వంటి అధునాతన యంత్రాలను ఉపయోగించి కాలం చెల్లిన భాగాలను తొలగించడం జరుగుతుంది.