రేవంత్ రెడ్డి చేతల్లో చూపించారు, సీఎం స్టాలిన్ ప్రశంస

చెన్నైలో ప్రతిపాదించిన అంశాలు హైద‌రాబాద్‌లో నెర‌వేరాయ‌ని, ఇది ఆరంభం మాత్ర‌మేన‌ని,హైద‌రాబాద్‌లో ఐక్య‌కార్యాచ‌ర‌ణ స‌మితి రెండో స‌మావేశం నేప‌థ్యంలో మ‌రిన్ని రాష్ట్రాలు అదే బాట‌లో న‌డుస్తాయ‌ని త‌మిళ‌నాడు సీఎం అభిప్రాయ‌ప‌డ్డారు.పున‌ర్విభ‌జ‌న విష‌యంలో తమిళనాడును అనుసరిస్తూ, ఈ చ‌ర్య‌ మన ప్రజాస్వామ్య సమతుల్యతను దెబ్బతీసే ఏ ప్రయత్నాన్నైనా ప్రతిఘటించే స‌మ‌ష్టిత‌త్వాన్ని బ‌లోపేతం చేస్తుంద‌ని ఆయ‌న పేర్కొన్నారు.భారతదేశ భవిష్యత్తును అధర్మ మార్గాన ఒక ప్రాంతానికి అన్యాయం చేసే రీతిన రాసేందుకు ప్రయత్నించే ఎవ‌రినీ అనుమ‌తించ‌బోమ‌ని స్టాలిన్‌ స్ప‌ష్టం చేశారు.

As resolved in Chennai, fulfilled in Hyderabad!

Hon'ble Telangana CM Thiru. @revanth_anumula garu has walked the talk by tabling and passing a landmark resolution in the #Telangana State Assembly demanding #FairDelimitation that upholds justice, equity and the federal spirit.… https://t.co/gt5knIBeZv

— M.K.Stalin (@mkstalin) March 27, 2025

తమిళనాడు సీఎం ట్వీట్

తెలంగాణ ముఖ్యమంత్రి రేవంత్ రెడ్డి తెలంగాణ రాష్ట్ర అసెంబ్లీలో న్యాయం, సమానత్వం,సమాఖ్య స్ఫూర్తిని నిలబెట్టే ఫెయిర్‌డి లిమిటేషన్‌ను డిమాండ్ చేస్తూ ఒక మైలురాయి తీర్మానాన్ని ప్రవేశపెట్టి ఆమోదించారని తమిళనాడు సీఎం ఎంకే స్టాలిన్ ఎక్స్ పోస్టులో వ్యాఖ్యానించారు.

లోక్‌సభ నియోజకవర్గాల పునర్విభజన దిశగా కేంద్ర ప్రభుత్వం చేస్తున్న ప్రయత్నాలు, అనుసరించబోయే విధి విధానాలు, రాష్ట్ర ప్రభుత్వాలతో పారదర్శకమైన సంప్రదింపులు జరపకుండా చేస్తున్న కసరత్తు పట్ల తెలంగాణ శాసనసభ తీవ్ర ఆందోళన వ్యక్తం చేసింది. నియోజకవర్గాల పునర్విభజన ప్రక్రియలో లోక్‌సభ సీట్ల… pic.twitter.com/bo6YOQ3ivh

— Telangana CMO (@TelanganaCMO) March 27, 2025

తెలంగాణ సీఎం రేవంత్ రెడ్డి ట్వీట్

లోక్‌సభ నియోజకవర్గాల పునర్విభజన దిశగా కేంద్ర ప్రభుత్వం చేస్తున్న ప్రయత్నాలు, అనుసరించబోయే విధి విధానాలు, రాష్ట్ర ప్రభుత్వాలతో పారదర్శకమైన సంప్రదింపులు జరపకుండా చేస్తున్న కసరత్తు పట్ల తెలంగాణ శాసనసభ తీవ్ర ఆందోళన వ్యక్తం చేసింది. నియోజకవర్గాల పునర్విభజన ప్రక్రియలో లోక్‌సభ సీట్ల సంఖ్యను యథాతథంగా కొనసాగించడంతో పాటు రాష్ట్రాన్ని యూనిట్‌గా తీసుకుని ప్రస్తుత సరిహద్దులను మార్పు చేయాలని కోరుతూ సభా నాయకుడు, ముఖ్యమంత్రి అనుముల రేవంత్ రెడ్డి ప్రవేశపెట్టిన తీర్మానాన్ని శాసనసభ ఆమోదించింది.దీనిపై సీఎం రేవంత్ రెడ్డి ట్వీట్ చేశారు.