విద్యావ్యవస్థలో సమూల మార్పులు : సీఎం రేవంత్ రెడ్డి వెల్లడి

యువజన సంఘాలు బడి బయట ఉన్న విద్యార్థులను బడిలో చేర్పించేలా చొరవ చూపాలని సీఎం కోరారు.స్కూల్స్, కాలేజీల్లో డ్రాపవుట్స్ తగ్గించాలని, ఇది యువతరంపై ఉన్న అతి పెద్ద బాధ్యత అని పేర్కొన్నారు. యువత విద్యను నిర్లక్ష్యం చేయొద్దని, గంజాయి, డ్రగ్స్ అన్నింటికంటే పెద్ద ప్రమాదకరం.. అలాంటి వ్యసనాల బారిన పడొద్దు అని సీఎం హితవు పలికారు.విద్యార్థులు, నిరుద్యోగులు పోటీ పరీక్షలకు సిద్దంకండి...రాజకీయ పార్టీల రెచ్చగొట్టే ప్రకటనలు నమ్మొద్దు అని సీఎం కోరారు.సామాజిక స్పృహతో సమాజానికి సేవచేసే వారు సమాజంలో హీరోలు అవుతారు..పాఠశాలల్లో విద్యతో పాటు సామాజిక అవగాహన కల్పించేలా ఉపాధ్యాయులు గ్రూప్ డిస్కషన్స్ ఏర్పాటు చేయాలని సీఎం సూచించారు.

బోయిన్ పల్లి గాంధీ ఐడియాలజీ సెంటర్ లో కుల గణన,కుటుంబ సర్వే పై జరగనున్న సంప్రదింపుల సమావేశానికి ముఖ్య అతిథిగా ఏఐసీసీ అగ్రనాయకుడు రాహుల్ గాంధీ హాజరుకానున్నారు.మంగళవారం సాయంత్రం 5 గంటలకు ప్రత్యేక విమానంలో రాహుల్ గాంధీ బేగంపేట విమాన శ్రయానికి చేరుకుంటారు. బేగంపేట విమానాశ్రయం నుంచి నేరుగా రోడ్డు మార్గాన బోయిన్ పల్లి లోని గాంధీ ఐడియాలజీ సెంటర్ కు చేరుకుంటారు.సాయంత్రం 5.30 నుండి 6.30 వరకు ఐడియాలజీ సెంటర్ లో మేధావులతో రాహుల్ గాంధీ మాట్లాడనున్నారు. ఈ సమావేశం లో కుల సంఘాల, విద్యార్థి సంఘాల,నాయకులు,మేధావులు,కాంగ్రెస్ పార్టీ ఎమ్మెల్యేలు, ఎమ్మెల్యే, ఎంపీ గా పోటీ చేసిన అభ్యర్థులు,ఎంపీ లు, రాజ్యసభ సభ్యులు, సలహాదారులు,కార్పొరేషన్ చైర్మన్ లు పాల్గొంటారు.