దుబాయిలో తప్పిపోయిన మా అబ్బాయిని వెతికిపట్టండి ప్లీజ్

హైదరాబాద్ నగరంలోని గౌలిగూడకు చెందిన నూగురు రాహుల్ రాజ్ (32) అనే యువకుడు ఉద్యోగం కోసం విజిట్ వీసాపై దుబాయికి వెళ్లి జాడ తెలియకుండా పోయిన సంఘటన మంగళవారం జరిగిన ప్రవాసీ ప్రజావాణి కార్యక్రమంలో వెలుగుచూసింది. ఈ నెల 14వతేదీన దుబాయికి చేరుకున్న తమ కుమారుడు రాహుల్ రాజ్ బ్యాగును 19వతేదీన దొంగలు కొట్టేశారని అందులో ఉన్న డబ్బులు కూడా పోయాయని తమకు ఫోన్ లో చెప్పాడని అతని తల్లిండ్రులు కుముదిని, గౌతంలు చెప్పారు. ఆ తర్వాత అతని మొబైల్ స్విచ్చాఫ్ అయిందని తల్లిదండ్రులు పేర్కొన్నారు. ఈ మేరకు కుముదిని, గౌతంలు మంగళవారం హైదరాబాద్ ప్రజాభవన్ లోని 'ప్రవాసీ ప్రజావాణి' లో వినతి పత్రం సమర్పించారు.