తెలుగు మూలాలున్న అమెరికన్ సెకండ్ లేడీ ఉషాను కలువనున్న పూర్వీకులు

ఈ పర్యటనలో ఉషా వాన్స్ ను కలిసేందుకు ఆమె పూర్వీకులు ఆసక్తి చూపుతున్నారు. ఆమె పూర్వీకులది కృష్ణా జిల్లా పామర్రు సమీపంలోని సాయిపురం. 1980ల ప్రాంంలో ఈ ఊరి నుంచి వాళ్ల పూర్వీకులు అటు విశాఖపట్నం ఇటు మచిలీపట్నం వలస వెళ్లారు. ఉషా మేనత్త శారద ఇప్పటికీ చెన్నైలో ఉన్నారు. ఆమె డాక్టరు. వాన్స్, ఉషా పెళ్లికి శారద హాజరయ్యారు. ఉషా తండ్రి రాధాకృష్ణ ది సాయిపురం. తల్లి లక్ష్మీది పామర్రు. వీళ్లకు ఇద్దరు ఆడపిల్లలు. పెద్దమ్మాయి ఉష. వీళ్ల కుటుంబానికి దగ్గరగా ఉండే ప్రొఫెసర్ విక్రమరావు కథనం ప్రకారం ఉష కుటుంబం చాలా సంప్రదాయక ఫ్యామిలీ. భక్తి ఎక్కువ. ఉష తల్లిదండ్రులు కాలిఫోర్నియాలో స్థిరపడ్డారు. ఉషకు జేజమ్మ అయిన ప్రొఫెసర్ శాంతమ్మ విజయనగరంలోని సెంచూరియన్ విశ్వవిద్యాలయంలో ప్రొఫెసర్ గా పనిచేశారు.

అమెరికా ఉపాధ్యక్షుడు జేడీ వాన్స్ ప్రధాని నరేంద్ర మోదీతో పాటు పలువురు నేతలు కలుస్తారని అమెరికా రాయబార కార్యాలయం వెల్లడించింది. ప్రధానమంత్రి నరేంద్ర మోదీ వాన్స్ దంపతుల గౌరవార్థం విందు ఏర్పాటు చేశారు. వాన్స్‌ పర్యటన వివరాలను భారత విదేశీ వ్యవహారాల శాఖ కూడా ఖరారు చేసింది.