అధికారికంగా కేంద్ర ప్రభుత్వ విధానాలను వ్యతిరేకించిన ‘విజయ్’ పార్టీ

ఇటీవలి తీర్మానంలో, కేంద్ర ప్రభుత్వపు విధానాలను తప్పుబట్టింది. ఇది సమాఖ్య నిర్మాణాన్ని, వివిధ రాష్ట్రాల ప్రత్యేక అవసరాలను బలహీనపరుస్తుందని అభిప్రాయపడింది. “టీవీకే (తమిళగ వెట్రి కజగం) పార్టీ ‘ఒక దేశం, ఒకే ఎన్నిక’ని వ్యతిరేకిస్తుంది. కేంద్ర ప్రభుత్వ ప్రతిపాదనను ఖండిస్తూ తీర్మానం ఆమోదించబడింది” అని పార్టీ ఆదివారం విడుదల చేసిన ఒక ప్రకటనలో తెలిపింది.

జాతీయ అర్హత, ప్రవేశ పరీక్ష (NEET) నుంచి తమిళనాడును మినహాయించాలని TVK కేంద్ర ప్రభుత్వానికి పిలుపునిస్తూ తీర్మానాలను ఆమోదించింది. ఇది స్థానిక విద్యార్థులపై అన్యాయమైన పోటీని తీసుకొచ్చిందని రాష్ట్రంలోని చాలా మంది విశ్వసిస్తున్నారు.

వక్ఫ్ ఆస్తుల నిర్వహణ, పాలనకు సంబంధించిన వక్ఫ్ సవరణ బిల్లును ఉపసంహరించుకోవాలని పార్టీ కేంద్ర ప్రభుత్వానికి విజ్ఞప్తి చేసింది. TVK ఈ సంవత్సరం ఫిబ్రవరిలో ప్రారంభమైంది, అయితే గత నెలలో పార్టీ వ్యవస్థాపకుడు, ప్రముఖ దక్షిణ భారత నటుడు విజయ్ తన తొలి రాజకీయ ప్రసంగాన్ని చేసిన తరువాత అందరి దృష్టిని ఆకర్షించింది.

గవర్నర్ పదవిని రద్దు చేయడం, సాంప్రదాయ రిజర్వేషన్ వ్యవస్థల నుంచి దామాషా ప్రాతినిధ్య నమూనాకు మారడం, తమిళానికి ప్రాధాన్యతనిచ్చే రెండు భాషల విధానం పార్టీ ఎజెండాలోని కొన్ని ముఖ్యాంశాల అని తన తొలి ప్రసంగంలో ఆయన వివరించారు.

రాజకీయాలలో లింగ సమానత్వాన్ని ప్రోత్సహిస్తున్న పార్టీ, పార్టీలో, అసెంబ్లీలో మహిళలకు మూడింట ఒక వంతు సీట్లు రిజర్వ్ చేస్తానని హామీ ఇచ్చింది. అందరికీ సామాజిక న్యాయం అందించడానికి కుల గణన ఆధారంగా దామాషా ప్రాతినిధ్యమే ఏకైక పరిష్కారమని విజయ్ నొక్కి చెప్పారు. మదురైలో రాష్ట్ర సచివాలయం కొత్త శాఖను స్థాపించడం ద్వారా పరిపాలనను వికేంద్రీకరించడం, స్థానిక పాలనను మెరుగుపరచడం కూడా TVK ఉద్దేశ్యం.

2026 అసెంబ్లీ ఎన్నికలలో బలమైన ప్రజల మద్దతు కోసం విజయ్ ఆశాభావం వ్యక్తం చేశారు, తనతో నడిచే మిత్రపక్షాలను స్వాగతించారు. సమానమైన అధికార భాగస్వామ్యాన్ని వాగ్దానం చేశారు. "పుట్టుకతో అందరూ సమానమే" అనే తిరుక్కురల్ ఆలోచన చుట్టూ కేంద్రీకృతమై, "ప్రజలకు వ్యతిరేకం"గా భావించే రాష్ట్ర, కేంద్ర ప్రభుత్వ విధానాలను ఎదుర్కోవడానికి నిబద్ధతతో కూడిన TVK సూత్రాలను కూడా ఈ కార్యక్రమంలో ఆవిష్కరించారు.