అధికారం కోసం నువ్వు ‘బొద్దింకల’ మారావు: స్టాలిన్ విమర్శలు

దివంగత డీఎంకే అధినేత కరుణానిధి పేరు ఉన్న కలైంజ్ఞర్ శత జయంతి గ్రంథాలయం, కలైంజర్ జల్లికట్టు వేదిక, చెన్నైలోని ఓ ఆస్పత్రి, మహిళల కోసం రూ.1,000 ఆర్థిక సాయం వంటి పథకాలను ఆయన ఉదహరిస్తూ.. వీటిలో ఏవి ప్రజలకు పనికి రావో చెప్పాలని సవాల్ విసిరారు.

పళనిస్వామి వ్యాఖ్యలు అహంకారానికి పరాకాష్ట అన్నారు. ఈ ఒక్క అంశంతోనే తమిళనాడు ప్రజలు అన్నాడీఎంకేను ఓడిస్తారని, అది ఖాయమని సీఎం అన్నారు. కరుణానిధి 80 ఏళ్లుగా తమిళ ప్రజల కోసం నిలుచున్నారని, ప్రజల కోసం, రాష్ట్రం కోసం తన జీవితాన్ని అంకితం చేసిన అలాంటి నాయకుడి పేరును మాత్రమే సంక్షేమ పథకాలకు పెట్టడం సముచితమన్నారు.

" పథకాలకు మీ పేరు పెట్టవచ్చా? (పళనిస్వామి) మీరు పదవి కోసం బొద్దింకలా పాకారు. కలైంజర్ (కరుణానిధి) తమిళుల గుండెల్లో చిరస్థాయిగా నిలిచిపోయిన పేరు, తమిళనాడు చరిత్రలో ఇది అనివార్యమైన గుర్తింపు. కరుణానిధి పేరిట సంక్షేమ పథకాలను అమలు చేయడం గర్వకారణంగా ఉందన్నారు. డిసెంబరు 2016లో పార్టీ అధినేత్రి జయలలిత మరణించిన తర్వాత అన్నాడీఎంకే మాజీ తాత్కాలిక ప్రధాన కార్యదర్శి వీకే శశికళ ముందు పళనిస్వామి సాష్టాంగ నమస్కారం చేసినట్లు ఆయన ఆరోపించారు.

రూ. 77.12 కోట్ల అంచనా వ్యయంతో నిర్మించిన విరుదునగర్ జిల్లా కొత్త కలెక్టరేట్‌ను రాష్ట్ర కార్యక్రమంలో ముఖ్యమంత్రి ప్రారంభించారు. రూ. 21.36 కోట్లతో పలు ఇతర పథకాలను ప్రారంభించి, లబ్ధిదారులకు సంక్షేమ సాయాన్ని అందజేశారు. ఉచిత ఇంటి పట్టాలు, మహిళా స్వయం సహాయక బృందాలకు రుణ సౌకర్యం వంటి కొన్ని పథకాలు సాయం కింద ఉన్నాయి.