క్యాబినేట్ ముందుకు కర్ణాటక కులగణన నివేదిక

ఈ కేబినేట్ సమావేశంలో మేము కుల గణన రిపోర్ట్ ను సమర్పించడం లేదు. కానీ వచ్చే సమావేశంలో పెడతామని ఆయన బెంగళూర్ లో విలేకరులతో మాట్లాడుతూ అన్నారు. రిపోర్టులో ఏముందని ప్రశ్నించగా.. ఇంకా మా ముందుకు అది రాలేదని, అందులో ఏముందో తెలియదన్నారు. అలాగే మంగళూర్ బ్యాంకు దోపిడీపై నిందితులను గుర్తించాలని పోలీసులను ఆదేశించినట్లు ముఖ్యమంత్రి తెలిపారు.

Politics, CM Siddaramayya, Okkaliga, Lingayathకర్ణాటకలో కులగణన అంశం వివాదాస్పద అంశంగా ఉద్భవించింది. ముఖ్యంగా రాష్ట్రంలోని ఆధిపత్య వర్గాలైన లింగాయత్, ఒక్కలిగాలు సర్వేపై అభ్యంతరాలు వ్యక్తం చేశారు. ఇదో అశాస్త్రీయ సర్వేగా పేర్కొంటూ దానిని తిరస్కరించి తాజాగా మరోసారి సర్వే చేయాలని డిమాండ్ చేశారు. 2015 లో గత కాంగ్రెస్ ప్రభుత్వం ఈసర్వేను చేపట్టగా, అప్పటి వెనకబడిన తరగతుల కమిషనల్ చైర్మన్ హెచ్ కాంతరాజు కమిటీకి నేతృత్వం వహించారు.

సుమారు రూ. 169 కోట్లతో చేపట్టిన ఈ సర్వే 2016 నాటికి పూర్తయినా ఆ తరువాత వచ్చిన ప్రభుత్వాలు దీనిని కోల్డ్ స్టోరేజీలో పెట్టాయి. తరువాత 2020 లో బీజేపీ ప్రభుత్వం జయప్రకాశ్ హెగ్డే ని కమిషన్ చీఫ్ గా నియమించింది. హెగ్దే చివరకు ఫిబ్రవరి 29, 2024 సిద్దరామయ్య ప్రభుత్వానికి తుది నివేదిక సమర్పించారు.

రాష్ట్ర వ్యాప్తంగా ఆయా డిప్యూటీ కమిషనర్ల నేతృత్వంలో 1.33 లక్షల మంది ఉపాధ్యాయులు సహా 1.6 లక్షల మంది అధికారులు సేకరించిన డేటా ఆధారంగా ఆధారంగా నివేదిక తయారు చేసినట్లు హెగ్దే చెప్పారు.