కర్నాటక బీచ్ లో భూతం.. విజిటర్లకు ఎలెర్ట్

దక్షిణ కన్నడలోని ఉల్లాలా బీచ్ నుంచి సముద్రంలో వెళ్లరాదని హెచ్చరిస్తూ వేసిన ఓ ఫ్లెక్సీ కర్నాటకలో వైరల్ గా మారింది. బీచ్ లో సరదాగా గడపడానికి వస్తున్న పర్యాటకులు ఈ మధ్యన సముద్రంలో మునిగి చనిపోతున్నారు. దీనికి కారణం అక్కడ సైతాన్ తిరుగుతోందని కొంతమంది స్థానికలు బలంగా నమ్ముతున్నారు.

ముస్లింల ఆధ్యాత్మిక కేంద్రం ఉల్లాల్ మదానీ దర్గాకు రంజాన్ పండగ ముగిసిన తరువాత భక్తులు తరలివస్తారు. అయితే కుటుంబాలతో వచ్చే కొందరు ఇక్కడ బీచ్ లో సేదతీరుతూ ఉంటారు. చీకటి పడ్డాకా కూడా ఇక్కడి నుంచి వెళ్లడానికి ఇష్టపడరు. చీకట్లో సముద్ర స్నానం చేయడానికి ప్రయత్నించి చాలామంది ఇక్కడ ఇంతకుముందు మృత్యువాత పడ్డారు. దీనిని అడ్డుకునేందుకు కొంతమంది స్థానికులు ప్లెక్సీ లు పెట్టి ఇక్కడ సైతాన్ తిరుగుతుందని జాగ్రత్తగా ఉండాలని హెచ్చరించారు. అయితే ఇందులో వాడిన ఓ ఫొటో అందరికి చెమటలు పట్టిస్తోంది. ట్రాన్స్ పరెంట్ గా ఉన్న ఓ ఆకారం అందులో స్ఫష్టంగా కనిపిస్తోంది.

మగ్రిబ్ కు ముందే (సూర్యాస్తమయాన్ని ముస్లింలు మగ్రిబ్ అంటారు) ఇక్కడ నుంచి వెళ్లిపోండి. సైతాన్ కుతంత్రం కారణంగా చాలామంది పిల్లలు అనారోగ్యానికి గురయ్యారు. అలాగే కొంతమంది తమ ప్రాణాలు కోల్పోయారని ప్లెక్సీలో హెచ్చరించారు. సముద్రాన్ని చూడడం ముస్లింలు పూజగానే భావిస్తారు. కావునా నీళ్లలో దిగకుండా కేవలం కళ్లతోనే పూజలు చేసి చీకటి పడకముందే ఉల్లాల బీచ్ ను వదిలివేయాలని మనవి చేశారు.