ఎర్రకోట పేలుడు: ఎన్ఐఏ కస్టడీలోకి కీలక నిందితుడు రషీద్

విచారణ ప్రక్రియ అంతా కెమెరా ముందు జరిగిందని అందుకు మీడియాకు అనుమతి ఇవ్వలేదు. అలీని పది రోజుల పాటు తన కస్టడీలో విచారించేందుకు ఏజెన్సీ చేసిన విజ్ఞప్తిని న్యాయమూర్తి చందన అనుమతించారని కోర్టు వర్గాలు తెలిపాయి.

‘‘కోర్టు కాంప్లెక్స్ చుట్టుపక్కల ఢిల్లీ పోలీసులు, రాపిడ్ యాక్షన్ ఫోర్స్ సిబ్బందిని మోహరించారు’’ అని ఒక పోలీస్ అధికారి తెలిపారు. ఎటువంటి అవాంఛనీయ సంఘటనలు జరగకుండా నిరోధించడానికి అల్లర్ల నిరోధక టీమ్ లు సిద్దంగా ఉంచామని తెలిపారు.

ఈ కేసులో జమ్మూకశ్మీర్ లోని దక్షిణ కశ్మీర్ నివాసి అలీని పోలీసులు అరెస్ట్ చేశారు. ఉమర్ నబీ తో కలిసి ఆత్మాహుతి దాడి చేయడానికి దేశానికి వ్యతిరేకంగా కుట్రపన్నాడని ఆరోపణలు ఉన్నాయి. పేలుడుకు పాల్పడిన కారును తన పేరు మీద రిజిస్టర్ చేసుకున్నా అలీ ఢిల్లీలో పట్టుబడ్డాడు.

ఆత్మాహుతిదాడికి అవసరమైన కారు కొనుగోలు చేసేందుకు అలీ ఢిల్లీకి వచ్చాడని, ఆ కారులో ఐఈడీ పేల్చి 15 మంది మృతి చెందారు. అనేక మంది తీవ్రంగా గాయపడ్డారు. ఈ ఆత్మాహుతి దాడికి పాల్పడిన నబీ కారు నడుపుతున్నాడు. హర్యానాలోని ఫరీదాబాద్ నుంచి కేంద్రంగా ఉన్నా వైట్ కాలర్ టెర్రర్ మాడ్యూల్ తో సంబంధాలు ఉన్నాయి.