అది ముస్లిం లీగ్ మేనిఫెస్టోను గుర్తుకు తెస్తోంది: ప్రధాని మోదీ

బీహార్‌లోని నవాడా జిల్లాలో ఎన్నికల ర్యాలీలో ప్రసంగించిన మోదీ, ఏఐసీసీ అధ్యక్షుడు మల్లికార్జున్ ఖర్గే రాజస్థాన్ లో నిర్వహించిన ఎన్నికల ప్రచారంలో అధికరణ 370 ని రద్దు ప్రస్తావించడం మోదీ నిప్పులు చెరిగారు.

“కాంగ్రెస్ జాతీయ అధ్యక్షుడికి ఏం పదవి లేనట్లుంది. 'ఆర్టికల్ 370కి రాజస్థాన్‌కి ఏం సంబంధం?' ఇదే 'తుక్డే-తుక్డే గ్యాంగ్' మనస్తత్వం. అతని అభిప్రాయాలు రాజస్థాన్‌ భద్రతా సిబ్బందికి అవమానకరమైనవి. జమ్మూ కాశ్మీర్‌లో తిరుగుబాటుదారులతో పోరాడి మరణించి త్రివర్ణ పతకాలతో ఇంటికి తిరిగి వచ్చిన రాజస్తాన్ వాసులకీ, బీహార్ ప్రజలకు అవమానం ”అని మోడీ అన్నారు.

"కాంగ్రెస్, దాని బీహార్ మిత్రపక్షమైన RJD ఇండి కూటమిలోని ఇతర భాగాలు రాజ్యాంగం గురించి చాలా మాట్లాడటానికి ఇష్టపడుతున్నాయి. బాబా సాహెబ్ అంబేద్కర్ రాజ్యాంగాన్ని జమ్మూ కాశ్మీర్‌లో ఎందుకు అమలు చేయలేదు? అది మోదీ హయాంలో మాత్రమే ఎందుకు సాధ్యమయింది," అని ప్రశ్నించారాయన.

ట్రిపుల్ తలాక్ పద్ధతికి వ్యతిరేకంగా తన ప్రభుత్వ కార్యక్రమాల గురించి మాట్లాడుతూ, “కాంగ్రెస్ ఇటీవల ఒక మేనిఫెస్టోను విడుదల చేసింది, అది ముస్లిం లీగ్ యొక్క మేనిఫెస్టోలా కనిపిస్తుంది. (తుష్టికరణ్)."

“ఇండి కూటమికి జనాదరణ పొందిన సెంటిమెంట్‌ల పట్ల ఎందుకు అంత వ్యతిరేకత ఉందో నేను ఆశ్చర్యపోతున్నాను. ప్రభుత్వ సొమ్ముతో కాకుండా ప్రజా విరాళాలతో ఆలయాన్ని నిర్మించినప్పటికీ వారు అయోధ్యలో ప్రాణ ప్రతిష్ఠకు హాజరు కాలేదు. రామ నవమి సమీపిస్తోంది. వారి పాపాలను మరచిపోవద్దు, ”అని ప్రజలకు మరోమారు గుర్తు చేశారు.

"ఆలయ సంప్రోక్షణకు వచ్చిన ఇండి కూటమి నాయకులు తమ పార్టీలలోనే బహిష్కరణను ఎదుర్కొన్నారని, ఈ పార్టీలు సనాతన ధర్మానికి వ్యతిరేకంగా మాట్లాడుతున్నారని, దక్షిణ భారతదేశాన్ని ప్రత్యేక దేశంగా చేయాలని వాదిస్తున్నాయని" కూడా ప్రధాని ఆరోపించారు.

‘మోదీ కి గ్యారెంటీని చూసి విపక్షాలు భయపడిపోతున్నాయి, ప్రజలకు ఇలాంటి వాగ్దానాలు చేయకుండా నన్ను బహిష్కరించాలని మాత్రమే ఎన్నికల ప్రచారంలో కోరుతున్నారు.. మోదీ ఊబిలో కూరుకుపోయే వాడు కాదు. కష్టపడి పనిచేయడానికే పుట్టాడు’ అన్నారాయన.