బీహార్: తొలగించిన ఓటర్ల జాబితాను విడుదల చేసిన ఈసీ

అన్ని పోలింగ్ బూత్ లలో ఏఎస్డీ (గైర్హాజరు, బదిలీ చేయబడిన చనిపోయిన) ఓటర్ల పేర్లను ఈసీ ప్రచురిస్తొందని, సుప్రీంకోర్టు ఆదేశించిన విధంగా ఆన్ లైన్ లో చేసే అవకాశం ఉందని వారు తెలిపారు. బీహర్ ప్రధాన ఎన్నికల అధికారి ప్రకారం.. రోహ్తాస్, బెగుసరాయ్, అర్వాల్, సివాన్, భోజ్ పూర్ ఇతర ప్రదేశాలలోని పోలింగ్ బూత్ లలో ఏఎస్డీ జాబితాను విడుదల చేశారు.

ఆగష్టు 14న సుప్రీంకోర్టు జారీ చేసిన ఒక ఉత్తర్వూలో ఈ ఏడాది చివర్లో అసెంబ్లీ ఎన్నికలు జరగనున్న బీహార్ లో జరుగుతున్న ఎస్ఐఆర్ ప్రక్రియ సందర్భంగా ఆగష్టు 1న ప్రచురించబడిన ముసాయిదా ఓటర్ల జాబితాలో చేర్చని దాదాపు 65 లక్షల మంది ఓటర్ల జాబితాను బూత్ వారీగా ప్రచురించాలని ఎన్నికల సంఘాన్ని ఆదేశించింది.

బీహార్ ఈసీ రూపొందించిన ఎస్ఐఆర్ మొదటి దశలో భాగంగా ముసాయిదా ఓటర్ల జాబితాలో 65 లక్షలకు పైగా గణన ఫారాలను చేర్చలేదు. దీనితో మొత్తం 7.9 కోట్ల నమోదిత ఓటర్ల సంఖ్య 7.24 కోట్లకు తగ్గింది.

పాట్నాలో అత్యధికంగా 3.95 లక్షల గణన ఫారాలు లేవు. మధుబని 3.52 లక్షలు, తూర్ప చంపారన్ 3.16 లక్షలు, గోపాల్ గంజ్ 3.10 లక్షలు, సమస్తిపూర్ 2.83 లక్షలు, ముజఫర్ పూర్ 2.82 లక్షలు, పూర్నియా 2.739 లక్షలు, సరన్ 2.7 లక్షలు, కతిహార్ 1.84 లక్షలు, కిషన్ గంజ్ 1.45 లక్షలు ఉన్నాయని పేర్కొంది.

షేక్ పురా జిల్లాలో 26,256 గణన ఫారాలు మాత్రమే డ్రాఫ్ట్ రోల్ లో చేర్చలేదు. తరువాత షియోహార్ 28,166 అర్వాల్ 30,180 ముంగేర్ 74,916 ఖగారియా 79,551 ఉన్నాయి.

ఓటర్ల జాబితాలో నమోదైన 22,34,501 మంది ఈ ప్రక్రియలో మరణించినట్లు తేలిందని ఈసీ పేర్కొంది. మరో 36.28 లక్షల మంది రాష్ట్రం నుంచి శాశ్వతంగా తరలించబడ్డారు లేదా వారు పేర్కొన్న చిరునామాలలో కనుగొనబడలేదు. మరో 7.01 లక్షల మంది ఒకటి కంటే ఎక్కువ ప్రదేశాలలో నమోదు చేసుకున్నట్లు గుర్తించారు.