వైఎస్సార్సీపీ మహిళా విభాగం నిరసన

అనంతపురంలో నిరసన తెలుపుతున్న వైఎస్సార్సీపీ మహిళా విభాగం నాయకురాళ్లు

మహిళ హోం మంత్రిగా ఉన్న రాష్ట్రంలో ఇంత మంది మహిళలపై అఘాయిత్యాలు జరుగుతుంటే ఇంకెవరికి మహిళలు చెప్పుకోవాలన్నారు. అదేమిటని ప్రశ్నిస్తే నాదగ్గరేమైనా గన్ ఉందా అంటూ ఎటకారంగా హోం మంత్రి అనిత మాట్లాడుతున్నారని, ఇది మహిళలను అవమానించడమేనని మాజీ మంత్రి ఆర్ కె రోజా ఆక్షేపించారు. నగరి నియోజకవర్గంలో మహిళలు, బాలికలపై అత్యాచారాలు జరిగాయన్నారు. పరిటాల సునీత నియోజకవర్గంలో 14 మంది మైనర్ బాలికపై అత్యాచారం చేస్తే అక్కడ ఉన్న మహిళ ఎమ్మెల్యే ఏమి చేస్తున్నారని ప్రశ్నించారు. 14 మంది అత్యాచారానికి పాల్పడిన వాళ్లు తెలుగుదేశం పార్టీకి చెందిన వారని ఆరోపించారు.

రాష్ట్రోంలోని అన్ని జిల్లా కేంద్రాల్లోనూ వైఎస్సార్సీపీ మహిళా విభాగం వారు అంబేద్కర్ విగ్రహాలకు వినతిపత్రాలు ఇచ్చి ప్రభుత్వానికి వ్యతిరేకంగా నినాదాలు చేశారు. మహిళలకు రక్షణ కల్పించాలని డిమాండ్ చేశారు.