బాలకృష్ణ అసెంబ్లీలో తాగి మాట్లాడారు

అసెంబ్లీలో బాలకృష్ణ వ్యాఖ్యలు, డిప్యూటీ సీఎం పవన్ కల్యాణ్ మౌనంపై రిపోర్టర్ ప్రశ్నకు జగన్ స్పందిస్తూ, "అసెంబ్లీలో మాట్లాడాల్సింది ఏంటి? ఆయన మాట్లాడింది ఏంటి? పనిపాట లేని సంభాషణ చేశారు. బాలకృష్ణ అసెంబ్లీలో తాగి మాట్లాడారు. తాగి వచ్చిన వ్యక్తిని అసెంబ్లీకి ఎలా అనుమతించారు? అలా మాట్లాడేందుకు అనుమతించినందుకు స్పీకర్‌కు బుద్ధి లేదు. బాలకృష్ణ మానసిక స్థితి ఏంటో అక్కడే అర్థమవుతోంది. అలా మాట్లాడినందుకు సైకాలజికల్ ఆరోగ్యం ఎలా ఉందో ఆయనే ప్రశ్నించుకోవాలి" అని తీవ్రంగా విమర్శించారు. ఇదిలా ఉంటే, అసెంబ్లీలో కామినేని శ్రీనివాస్ మాట్లాడిన అంశంపై బాలకృష్ణ స్పందిస్తూ తన ప్రస్తావన తీసుకురావడంపై చిరంజీవి ఆనాడే ఓ ప్రకటన విడుదల చేశారు. "సినిమా వాళ్లకు ఎలాంటి అవమానం జరగలేదు. ఆనాడు ముఖ్యమంత్రి వైఎస్ జగన్ మోహన్ రెడ్డి తనను సాదరంగా ఆహ్వానించారు" అని పేర్కొన్నారు.