’ఎల్లో మీడియాకు కుల గజ్జి‘ పట్టింది

• కోర్టు వీడియోలు దొంగతనం: ’సీబిఐ కోర్టులో జగన్ ఉన్నప్పుడు ఎలా వీడియో తీశారు? ఎవరు తీశారు? జడ్జిని కూడా చూపిస్తూ వీడియో తీసి ప్రసారం చేశారు. ఇది తీవ్రమైన నేరం. కోర్టు సుమోటోగా కేసు పెట్టాలి. దొంగతనంగా వీడియో తీసిన వారిపై, ప్రసారం చేసిన ఎల్లో మీడియా ఛానళ్లపై చర్యలు తీసుకోవాలి‘ అని డిమాండ్ చేశారు.
• ఎల్లో మీడియాకు కుల గజ్జి: ’ఎల్లో మీడియాకు ప్రజా సమస్యలు ఏమాత్రం పట్టవు. విపరీతమైన కుల గజ్జి పట్టింది. జగన్ అంటే భయం. అందుకే ప్రతి నిమిషం జగన్ నామస్మరణే చేస్తున్నారు‘ అంటూ మండిపడ్డారు.
• జనం రావడం బలప్రదర్శన కాదు: “హైదరాబాద్ కోర్టుకు జగన్ వెళ్తే కార్యకర్తలు, అభిమానులు వచ్చారు. దాన్ని ‘బల ప్రదర్శన’ అంటూ ఎల్లో మీడియా దుష్ప్రచారం చేసింది. జగన్‌కు ఏ రాష్ట్రంలోనైనా అభిమానులు ఉన్నారు. విజయవాడలో ఒక్కడే బైక్ మీద వెళ్లినా జనం తండోపతండాలుగా వస్తారు. అది జగన్ మీద ఉన్న అభిమానం.” అని పేర్కొన్నారు.
• చంద్రబాబుకు జనం రారు: “చంద్రబాబు జైల్లో ఉన్నప్పుడు మేము కూడా వీడియో తీయించవచ్చు. కానీ అలాంటి దుర్మార్గం చేయలేదు. జగన్‌కు వచ్చినట్టు చంద్రబాబు, లోకేష్‌కు ఎక్కడా జనం రారు.” అని వెల్లడించారు.
• ప్రజా సొమ్ము దోపిడీ: “జగన్ తన సొంత డబ్బుతో విమాన ఖర్చు పెట్టుకుని వెళ్లారు. చంద్రబాబు, లోకేష్, పవన్ కల్యాణ్ తిరుగుతున్న స్పెషల్ ఫ్లైట్ల ఖర్చు ఎవరిది? ప్రజా సొమ్ముతోనే ప్రత్యేక విమానాల్లో తిరుగుతున్నారు. లండన్ వెళ్లినా ప్రభుత్వ సొమ్మే ఖర్చు చేశారు. ప్రజా సొమ్ముతో విలాసాలు చేయడంలో చంద్రబాబుకు మించినవారు లేరు.” అని ధ్వజమెత్తారు.
• కుట్ర కవల పిల్లలు: “చంద్రబాబు, కుట్రలు కవల పిల్లలు లాంటివారు” అంటూ సెటైర్లు వేశారు.

సీబిఐ కోర్టు ప్రాంగణంలో జగన్‌ను చూపిస్తూ వీడియోలు తీసి ప్రసారం చేసిన ఎల్లో మీడియా, సోషల్ మీడియా ఖాతాలపై కేసులు పెట్టాలని, కోర్టు సుమోటో చర్యలు తీసుకోవాలని టీజేఆర్ సుధాకర్ బాబు డిమాండ్ చేశారు.