పొల్యూషన్, ఎరోషన్ల మధ్య ఉప్పాడ..పవన్ కల్యాణ్ పరిష్కరిస్తారా

ఉప్పాడ మత్స్యకారులు ఎదుర్కొంటున్న సమస్యలు

ఉప్పాడ తీరప్రాంతంలో 5 వేల మంది మత్స్యకారులు ప్రధానంగా చేపలు, గొల్ల చేపలు, కట్ల చేపలు పట్టుకుని జీవనోపాధి పొందుతున్నారు. కానీ, కాకినాడ ప్రాంతంలోని ఫార్మా, కెమికల్ పరిశ్రమల నుంచి విడుదలయ్యే రసాయనాలు, రసాలు సముద్రాన్ని కలుషితం చేస్తున్నాయి. దీంతో సముద్రంలో మత్స్య సంపద నాశనం అవుతోంది. చేపలు, ఇతర సముద్ర సంపద దాదాపు 70-80% తగ్గాయి. కాలుష్యం లేని రోజుల్లో, మత్స్య సంపద బాగా ఉన్న రోజుల్లో త్స్యకారులు రోజుకు 10-15 వేల రూపాయలు సంపాదించేవారు, కానీ ఇప్పుడు 2-3 వేలకు పరిమితమవుతోంది. అలాగే, తీరప్రాంత ఎరోషన్ వల్ల ఉప్పాడ నిత్యం సముద్రపు తాకిడికి గురవుతూనే ఉంది. దీంతో ఇళ్లు, బోట్లు కూలిపోతున్నాయి. పొల్యూషన్ వల్ల ఆరోగ్య సమస్యలు కూడా పెరిగాయి . చర్మ రోగాలు, శ్వాసకోశ సమస్యలు పెరిగాయి. ఈ సమస్యలు 2020 నుంచి పెరిగాయి, కానీ 2025లో ఇండస్ట్రీలు పెరగడంతో తీవ్రమయ్యాయి. దీంతో అటు చేపల వేట లేక, ఇటు అనారోగ్య సమస్యలతో సతమతమవుతున్నారు.

ఇటీవల ప్రొటెస్టులు, రోడ్ బ్లాక్ లు

సెప్టెంబర్ 23, 2025న ఉప్పాడలో మత్స్యకారులు పెద్ద ఎత్తున ఆందోళనలు చేపట్టారు. రోడ్లపైకొచ్చి నిరసనలు, ధర్నాలు చేపట్టారు. పరిశ్రమల నుంచి భారీ ఎత్తున రసాయనాలు విడుదల చేయడం, సముద్ర కలుష్యం వల్ల చేపలు మరణిస్తున్నాయని ఆరోపించారు. మత్స్యకారుల సంఘాలు "చేపలు పట్టలేక ఆత్మహత్యలు చేసుకుంటున్నాం" అని ప్రకటించారు. ఈ నేపథ్యంలో పవన్ కల్యాణ్ స్పందించక తప్పలేదు.సమస్య పరిష్కారం కోసం ఆయన సెప్టెంబర్ 24న కమిటీ ఏర్పాటు ప్రకటించారు.

కూటమి ప్రభుత్వం, పవన్ కల్యాణ్ నుంచి ఆశలు

కూటమి ప్రభుత్వం మత్స్యకారుల సమస్యలకుపరిష్కారం కోసం అక్టోబర్ 7న 5 సభ్యుల కమిటీ ఏర్పాటు చేసింది. ఇందులో ఎన్విరాన్మెంట్, ఫిషరీస్ శాఖ అధికారులు ఉన్నారు. మత్స్యకారులు ఈ కమిటీ నుంచి సముద్ర క్లీనప్, ఇండస్ట్రీలపై ఫైన్స్, కంపెన్సేషన్ ఆశిస్తున్నారు. పవన్ కల్యాణ్ నుంచి వ్యక్తిగత ఆదరణ ఆశిస్తున్నారు . గురువారం ఆయన పర్యటనలో సమస్యలు విని, వెంటనే చర్యలు తీసుకుంటారని భావిస్తున్నారు. "పవన్ గారు మాట తప్పరు, మా సమస్యలు పరిష్కరిస్తారు" అని మత్స్యకారులు చెబుతున్నారు.

డిమాండ్లు

మత్స్యకారులు కూటమి ప్రభుత్వం నుంచి ఈ సహాయాలు ఆశిస్తున్నారు.. అవేంటంటే

• పొల్యూషన్ కంట్రోల్: ఇండస్ట్రీలపై కఠిన చర్యలు చేపట్టాలి. రసాయనాల విడుదల ఆపడానికి చర్యలు తీసుకోవాలి. సముద్ర క్లీనప్ ప్రాజెక్టులు చేపట్టాలి.
• ఆర్థిక సహాయం: చేపలు తగ్గడం వల్ల నష్టాలకు కంపెన్సేషన్ (రోజుకు 500-1000 రూపాయలు), బోట్లు, గొట్టాలకు సబ్సిడీ.
• ఎరోషన్ పరిష్కారం: తీరప్రాంత ప్రొటెక్షన్ వాల్స్ నిర్మాణం, గ్రామాలకు రెలొకేషన్ సహాయం.
• ఆరోగ్య సహాయం: కలుషిత మత్స్యాల వల్ల వచ్చే ఆరోగ్య సమస్యలకు ఉచిత చికిత్స.

డిమాండ్లలో ప్రధానమైనవి: ఫార్మా ఫ్యాక్టరీలు తాత్కాలికంగా మూసివేయాలి, ఎన్విరాన్మెంట్ క్లియరెన్స్ రద్దు, మత్స్యకారులకు పెన్షన్, బీమా పథకాలు. "మా జీవనోపాధి మాత్రమే కాదు, మా ఆరోగ్యం కూడా ప్రమాదంలో ఉంది" అని మత్స్యకారులు ఆందోళనలు వ్యక్తం చేస్తున్నారు.

పవన్ కల్యాణ్ ఉప్పాడ పర్యటన: మత్స్యకారులతో సమావేశం, సముద్ర పరిశీలన

ఉప ముఖ్యమంత్రి పవన్ కల్యాణ్ నేడు ఉదయం 10 గంటలకు ఉప్పాడ చేరుకుని, మత్స్యకారులతో సమావేశమవుతారు. సముద్రంలోకి వెళ్లి పొల్యూషన్ పరిస్థితులు పరిశీలిస్తారు. కమిటీ రిపోర్టును ఆధారంగా చేసుకుని, పరిష్కారాలు చర్చిస్తారు. పవన్ కల్యాణ్ "మత్స్యకారుల సమస్యలు మా ప్రాధాన్యత" అని ముందుగానే చెప్పారు. ఈ పర్యటన తర్వాత మత్స్యకారులు "పవన్ గారు మా గొంతుక" అని ఆశిస్తున్నారు.