నెల్లూరులో ఆ అమ్మాయిని ఎందుకంత దారుణంగా చంపారు?

ప్రేమోన్మాది ఘాతుకానికి ఆ యువతి బలైందంటున్నారు. శుక్రవారం రాత్రి ఈ దారుణం ఈ దారుణం జరిగింది. బాధితురాలు బీఫార్మసీ విద్యార్థిని మైథిలి ప్రియగా తెలుస్తోంది. మైథిలికి, నిఖిల్‌కు కొంతకాలంగా స్నేహం ఉంది. ఈ క్రమంలో ఆమెను మాట్లాడాలని పిలిచాడు. ఆపై ఆమెపై కత్తితో దాడికి తెగబడ్డాడు నిఖిల్‌. ఘటన అనంతరం నిందితుడు పీఎస్‌లో లొంగిపోయాడు. మైథిలీ మృతదేహాన్ని నెల్లూరు మార్చురీకి తరలించారు. మరోవైపు నిందితుడ్ని కఠినంగా శిక్షించాలంటూ మైథిలి కుటుంబ సభ్యులు, బంధువులు ఆందోళనకు దిగారు.

అతను ఎందుకు పిలిచాడు, ఎందుకు హత్య చేశాడనే దానిపై ప్రస్తుతం నగరంలో చర్చ సాగుతోంది. పోలీసులు కేసు దర్యాప్తు చేస్తున్నారు.