ఇదేంటీ, పవన్ కల్యాణ్ కి ఇంత క్రేజా.. పంకజ్ త్రిపాఠీ కామెంట్ వైరల్
సినిమాలు, రాజకీయాలతో బిజీబిజీగా ఉన్న పవన్ కల్యాణ్ పై మీర్జాపూర్ ఫేమ్ పంకజ్ త్రిపాఠీ చేసిన కామెంట్లు వైరల్ అయ్యాయి. పవన్ కల్యాణ్ ఇపుడు 3 సినిమాలు చేస్తున్నారు.
పవర్ స్టార్ పవన్ కల్యాణ్ సినీహీరోగా ఎంత ఫేమసో రాజకీయంగాను అంతే. ఆయన సినిమాలంటే చెవి కోసుకునే వారు చాలామందే ఉన్నారు. పెద్ద ఫ్యాన్ ఫాలోయింగ్ ఉన్న నటుల్లో ఆయన ఒకరు. ఇప్పుడాయన హ్యాష్‌ట్యాగ్‌ ఒకటి సామాజికమాధ్యమం ఎక్స్ లో వైరల్ అయింది. ఆయన సినిమాలకు సంబంధించిన కొన్ని వార్తలు షేర్ కావడం, బాలీవుడ్‌ నటుడు పంకజ్ త్రిపాఠీ ఆయన్ను ఆకాశానికి ఎత్తేలా మెచ్చుకోవడమే దీనికి కారణం. సినీ, రాజకీయ ప్రముఖులనేక మంది పవన్ కల్యాణ్ కి వీరాభిమానులు. రాజకీయంగా విమర్శలు చేసే వారు సైతం పవన్ కల్యాణ్ నటనను మెచ్చుకుంటామంటూ అనేక సందర్భాలలో కామెంట్లు పెట్టిన వారున్నారు.
తాజాగా ‘మీర్జాపూర్’ నటుడు పంకజ్ త్రిపాఠి పవన్‌పై ప్రశంసలు కురిపించారు. ‘పవన్ గొప్ప నటుడు. బాగా చదువుతారు. దూరదృష్టి ఉన్న వ్యక్తి. కొందరు డైరెక్టర్లు కూడా నాకు ఈ సంగతి చెప్పారు. అందుకే ఆయనకు అన్ని భాషల్లో అభిమానులు ఉన్నారు ’ అని పంకజ్ త్రిపాఠీ ఓ ఇంటర్వ్యూలో చెప్పారు. ఆయన చేసిన ఈ కామెంట్లు ఇప్పుడు వైరల్ అయ్యాయి.
