రద్దీగా మారిన విశాఖ విమానాశ్రయం
సీఐఐ పార్ట్‌నర్‌షిప్ సమ్మిట్ 2025 నేపథ్యంలో విశాఖపట్నం విమానాశ్రయంలో రద్దీ పెరిగింది.
ఆంధ్రప్రదేశ్‌లోని విశాఖపట్నం విమానాశ్రయం సీఐఐ పార్ట్‌నర్‌షిప్ సమ్మిట్ 2025 సందర్భంగా గురువారం (నవంబర్ 14) నుంచి భారీ రద్దీగా మారింది. ఎన్నడు లేని విధంగా ట్రాఫిక్ పెరిగింది. 77 దేశాల నుంచి వచ్చిన సుమారు 2,500 మంది అంతర్జాతీయ డెలిగేట్లు, వ్యాపారవేత్తలు, ప్రముఖ సంస్థల నాయకులు, ప్రముఖులు, వారికి సంబంధించిన విమానాలు ఒక్కొక్కటిగా ల్యాండ్ కావడంతో విశాఖ విమానాశ్రయంలో సందడి వాతావరణం నెలకొంది. ఉదయం 6 గంటల నుంచే ప్రత్యేక వీల్‌చైర్ సౌకర్యాలు, లగేజ్ స్కానర్లు, సెక్యూరిటీ చెక్‌పాయింట్లు పెంచేశారు. వైస్ ప్రెసిడెంట్ సి.పి. రాధాకృష్ణన్, ముఖ్యమంత్రి ఎన్. చంద్రబాబు నాయుడు, యూనియన్ మంత్రి పియూష్ గోయల్ వంటి ప్రముఖల విమానాలు రావడంతో రద్దీ మరింత పెరిగింది. విమానాశ్రయ అధికారులు రద్దీ నియంత్రణకు 50% అదనపు సిబ్బందిని డిప్లాయ్ చేశారు.
అంతర్జాతీయ డెలిగేట్లతో కళకళ
సిఐఐ సమ్మిట్‌కు ముందుగానే నుంచే విశాఖపట్నం విమానాశ్రయంలో ప్రత్యేక ఏర్పాట్లు చేపట్టారు. ఎలాంటి సమస్యలు తలెత్తకుండా ముందస్తు జాగ్రత్తలు తీసుకున్నారు. మొజాంబిక్, మయన్మార్ వంటి దేశాల డెలిగేట్లు గురువారం ఉదయం విమానాశ్రయంలోకి అడుగుపెట్టారు. మొజాంబిక్ ట్రేడ్ సెక్రటరీ యాంటోనియో గ్రిస్పోస్‌ను ఆంధ్రా యూనివర్సిటీలో ICCR స్కాలర్‌షిప్ చేస్తున్న మొజాంబిక్ విద్యార్థులు స్వాగతించారు. మయన్మార్ డెప్యూటీ కామర్స్ మంత్రి యు మిన్ మిన్ & డెలిగేషన్‌, భారత ఎంబసీ అధికారి యాక్ అషోక్ కుమార్ యాంగాన్ లకు విమానాశ్రయంలో ఘన స్వాగలం లభించింది. అంతర్జాతీయ స్తాయిలో పేరుగాంచిన ఈ సమ్మిట్‌కు విశాఖపట్నం ఇంటర్నేషనల్ విమానాశ్రయం 24/7 ఆపరేషన్ మోడ్‌లో సిద్ధంగా ఉంచారు. టాక్సీ సర్వీసులు, హోటల్ షటిల్స్ వంటి సౌకర్యాలను కూడా భారీగా అందుబాటులో ఉంచారు. రద్దీ వల్ల విమానాలు 15-20 నిమిషాల ఆలస్యంతో ఫ్లైట్లు వస్తున్నాయి.
విమానాశ్రయ రద్దీతో సంబంధిత సవాళ్లు, పరిష్కారాలు
సమ్మిట్ డెలిగేట్ల వల్ల విమానాశ్రయంలో రద్దీ పెరగడంతో సామాన్య ప్రయాణికులు కొంత ఇబ్బంది పడ్డారు. ఉదయం 8-11 గంటల మధ్య డెలిగేట్లు ఎక్కువగా వచ్చినందున లగేజ్ కౌంటర్ల వద్ద భారీ క్యూ లైన్లు ఏర్పడ్డాయి. అయితే ఈ సమస్యను పరిష్కరించేందుకు వెంటనే విమానాశ్రయ అధికారులు రంగంలోకి దిగారు. GVMC కమిషనర్ కేతన్ గార్గ్, పోలీస్ అధికారులు ప్రత్యేక ట్రాఫిక్ రూట్లు, VIP లౌంజ్‌లు ఏర్పాటు చేశారు. విమానాశ్రయ అధికారులు "సమ్మిట్ వల్ల 30% ఎక్కువ ఫ్లైట్లు షెడ్యూల్ అయ్యాయి, కానీ అన్ని సౌకర్యాలు అందుబాటులో ఉన్నాయి" అని తెలిపారు. ఈ రద్దీ విశాఖపట్నం ఆర్థిక వ్యవస్థకు మంచి సంకేతంగా మారింది. హోటళ్లు, ట్రాన్స్‌పోర్ట్ సర్వీసులు ఫుల్ ఆక్యుపెన్సీ కూడా పెరిగింది. సమ్మిట్ ముగింపు (నవంబర్ 15) తర్వాత కూడా డెలిగేట్ల తిరిగి వెళ్లేందుకు విమానాశ్రయం రద్దీగా ఉండనుంది. ఈ సమ్మిట్ ద్వారా రూ.10 లక్షల కోట్ల పెట్టుబడులు ఆకర్షించాలనే లక్ష్యంతో ఏర్పాటు చేయబడింది. ఈ పరిణామాలన్నీ కలగలిపి విశాఖను గ్లోబల్ ట్రేడ్ గేట్‌వేగా మార్చే అవకాశాలు ఉన్నాయని అంచనా వేస్తున్నారు.
