వంగవీటి రాధాకు గుండెపోటు, ఆస్పత్రిలో చేరిక

కాపు నాయకుడు, స్వర్గీయ వంగవీటి రంగా కుమారుడు వంగవీటి రాధాకృష్ణ గుండెపోటుకు గురయ్యారు. ప్రస్తుతం ఆయన విజయవాడలోని ఓ ప్రైవేటు ఆస్పత్రిలో చికిత్స పొందుతున్నారు. గురువారం (సెప్టెంబర్ 26) తెల్లవారుజామున ఆయన గుండెల్లో నొప్పిగా ఉందనడంతో ఆయన్ను హుటాహుటిన ఆస్పత్రికి తరలించారు. ఆయనకు చికిత్స అందించిన డాక్టర్లు- స్వల్పంగా గుండెపోటు వచ్చినట్టు తేల్చారు.

వైసీపీ నుంచి ఇటీవలే టీడీపీ చేరిన వంగవీటి రాధా కృష్ణ ప్రస్తుతం డాక్టర్ల పర్యవేక్షణలో ఉన్నారు. రాధ ఆరోగ్య విషయంలో ఎలాంటి ఆందోళన చెందాల్సిన అవసరం లేదని వైద్యులు ప్రకటించారు. 48 గంటలు వైద్యుల పర్యవేక్షణలో ఉండాలని సూచించారు. విజయవాడ నగరంలోని ఓ ప్రముఖ ఆసుపత్రిలో ప్రస్తుతం ఆయన చికిత్స పొందుతున్నారు.