వంశీకి ఆరోగ్యం బాగలేదు..నేలపైనే పడుకోబెట్టారు

మాజీ ఎమ్మెల్యే వల్లభనేని వంశీ ఆరోగ్యం మీద ఆయన భార్య పంకజశ్రీ ఆందోళన వ్యక్తం చేశారు. రెండు రోజుల క్రితం అరెస్టై విజయవాడ జైలులో ఉన్న వంశీని ఆయన భార్య పంకజశ్రీ శనివారం కలిశారు. అనంతరం ఆమె మీడియాతో మాట్లాడుతూ తన ఆవేదనను వెల్లబుచ్చుకున్నారు. జైలులో వంశీకి ఎలాంటి సదుపాయాలు కల్పించడం లేదన్నారు. తన భర్త వంశీకి ఆరోగ్యం సరిగా లేదని ఆవేదన వ్యక్తం చేశారు. అయినా పోలీసులు ఇబ్బందులు పెడుతున్నారని తెలిపారు. వంశీ మీద తప్పుడు కేసులు బనాయించారని తెలిపారు. ఆయన రిమాండ్‌లో మాత్రమే ఉన్నారని, కేసులు ఇంకా నిర్థారణ కాలేదన్నారు. కావాలసే వంశీని జైల్లో పెట్టారని, జైల్లోనే తన భర్త వంశీకి ప్రాణ హాని ఉందని ఆందోళన వ్యక్తం చేశారు. అనారోగ్యంతో ఉన్న వంశీని నేలపైనే పడుకోబెట్టారని చెప్పారు.