ఆంధ్ర అధికార భాషాసంఘం అధ్యక్షుడిగా త్రివిక్రమరావు

అధికార కార్యక్రమాల్లో తెలుగు వినియోగం పెంపొందించేందుకు ప్రత్యేక కార్యాచరణ రూపొందించాలని, అలాగే ప్రభుత్వ నిర్వహణలో జరిగే అధికార కార్యక్రమాల్లో ఆంగ్లభాష వాడకంపై తగిన సూచనలు, సలహాలు ఇచ్చే విధంగా, తీసుకునే చర్యలపై ప్రణాళిక సిద్ధం చేయాలని ప్రభుత్వం సూచించింది. రాష్ట్రవ్యాప్తంగా అధికార కార్యక్రమాల్లో తెలుగు వినియోగం ఎంత మేరకు అమలవుతున్నదీ భాషాసంఘం తరచూ సమీక్షించాల్సివుంది. అధికార భాష అభివృద్ధి, విస్తరణకు సంబంధించిన సిఫార్సులను ప్రభుత్వం కోరినట్టు ఉత్తర్వుల్లో పేర్కొన్నారు. తెలుగు భాష ప్రోత్సాహానికి సంబంధించిన అన్ని చర్యలపై నివేదికను ప్రభుత్వం తరచూ స్వీకరించనుంది.