80 సంవత్సరాలు పూర్తి చేసుకున్న ఘాట్ రోడ్

తిరుమల తిరుపతి దేవస్థానానికి ప్రపంచ వ్యాప్తంగా ప్రఖ్యాతి ఉంది. అక్కడ శ్రీవారి దర్శనమే కాదు శ్రీవారి సన్నిధికి వెళ్లే మార్గం కూడా అత్యంత మధురంగా ఉంటుంది. కాలం ఏదైనా ఆ ఘాట్ రోడ్ అందంకానీ, ఆ రోడ్డుపై ప్రయాణించేటప్పుడు కలిగే ఆహ్లాదం కానీ ఏమాత్రం తగ్గవు. వెళ్లిన ప్రతిసారి ఆ ఏడు గిరులు తమ కొత్త రూపాన్ని చూపిన అనుభూతిని కలిగిస్తాయి. ఎంత చూసినా తరగని సంతృప్తి ఆ ఏడు కొండల వాడిదైతే ఎంత ప్రయాణించినా అలుపు రాని మార్గం ఆ ఘాట్ రోడ్డుకే దక్కుతుంది. ఎంతో మందికి ఒక తీపి జ్ఞాపకంగా ఉండే ఈ ఘాట్ రోడ్డు తాజాగా తన 80 వార్సికోత్సవాన్ని పూర్తి చేసుకుంది.

18 నిమిషాల పాటు ఈ ఘాట్ రోడ్డు గుండా సాగే ప్రయాణం ఒక అందమైన కలలా ఉంటుంది. అడుగడుగునా ప్రకృతి సోయగాలు, గిరులపై నుంచి వచ్చి గిలిగింతలు పెట్టే కొండగాలిని ఆస్వాదిస్తున్నప్పుడు కలిగే ఆ ఆహ్లాదాన్ని చెప్పాలంటే మాటలు సరిపోవు. ప్రపంచ వ్యాప్తంగా ఎన్నో ఘాట్ రోడ్లు ఉన్నప్పటికీ తిరుపతి దేవదేవుడికి మనల్ని తీసుకుని వెళ్లే ఈ ఘాట్ రోడ్డుపై సాగే 18 నిమిషాల ప్రయాణం మనకు ఎంతో కొత్త అనుభూతికి కలిగిస్తుంది. మరి ఇంతటి సుందరమైన ఘాట్‌ రోడ్డు ఎవరు నిర్మించారు? ఎప్పుడు నిర్మించారో తెలుసుకుందామా..