గ్రామ సచివాలయంలోనే భూముల రిజిస్ట్రేషన్

ఆస్తి యజమానులు మరణించిన అనంతరం వారసులకు సంక్రమించే వాటికి మాత్రమే గ్రామ సచివాలయాల్లో రిజిస్ట్రేషన్ చేస్తారు. వారసత్వంగా వచ్చే ఆస్తులను వారసులు,తహసీల్దారుకు దరఖాస్తు చేసి, కాగితాలపై రాసుకుంటున్నారు. అయితే వీటికి మ్యుటేషన్లు జరగడం లేదని,తహసీల్దారు కార్యాలయ సిబ్బంది పలుమార్లు తిప్పుతున్నారంటూ ప్రభుత్వానికి ఫిర్యాదులు అందాయి.ఈ ఫిర్యాదుల నేపధ్యంలో ప్రభుత్వం ఈ నిర్ణయం తీసుకుంది.ఎక్కువ శాతం తమ వారు చనిపోయాక కూడా వారసత్వ పేరు మార్చుకోకుండా జాప్యం చేస్తుండటంతో భూముల రికార్డులలో చనిపోయిన వారి పేర్లే వస్తున్నాయి.దీంతో అనేక సమస్యలు వస్తున్నాయి. గత ఏడాదిలోనే 55 వేలకు పైగా ఫిర్యాదులు ప్రభుత్వానికి అందాయి. ప్రభుత్వం ప్రస్తుత నిర్ణయంతో వారసత్వ భుముల రిజిస్ట్రేషన్ల విషయంలో ప్రజలకు ఎంతో ఊరట దక్కనుంది.