'ఆంధ్రా ఊటి' అరకు యాత్రకు 28 నుంచి ప్రత్యేక రైళ్లు

అరకు పర్యాటకుల రద్దీని దృష్టిలో ఉంచుకొని తూర్పు కోస్తా రైల్వే విశాఖ నుంచి ప్రత్యేక రైలు నడపనున్నట్లు వాల్తేర్‌ సీనియర్‌ డీసీఎం కె.సందీప్‌ చెప్పారు. డిసెంబర్ నెల 28 నుంచి జనవరి 19వ తేదీ వరకు ప్రతి శని, ఆదివారాల్లో ఉదయం 8.30 గంటలకు విశాఖలో బయలు దేరి ఉదయం 11.45 గంటలకు అరకు చేరుకుంటుంది. తిరుగు ప్రయాణంలో అదే రోజుల్లో మధ్యాహ్నం 2 గంటలకు బయలు దేరి సాయంత్రం 6 గంటలకు విశాఖ చేరుకోనున్నట్లు పేర్కొన్నారు. ఒక సెకెండ్‌ ఏసీ, ఒక థర్డ్‌ ఏసీ, 10 స్లీపర్‌ క్లాస్, 4 సాధారణ రెండో తరగతి, 2 సాధారణ కమ్‌ లగేజీ బోగీలతో ఈ రైలు సింహాచలం, కొత్తవలస, ఎస్‌.కోట, బొర్రా గుహలు మీదుగా రాకపోకలు సాగించనున్నాయి.

అరకుతో పాటు విశాఖపట్నం అందాలనూ ఆస్వాదించవచ్చు. అరకు లోయ జలపాతాలు, ప్రవాహాలు, కాఫీ తోటలకు ప్రసిద్ధి చెందిన హిల్ స్టేషన్. దీన్నే "ఆంధ్రా ఊటీ" అని కూడా అంటుంటారు.