మండలిలో ఆరు బిల్లులకు ఆమోదం–నివధిక వాయిదా

ఆంధ్రప్రదేశ్‌ శాసనమండలి శనివారం సమావేశంలో ఆరు కీలక బిల్లులకు ఆమోదం తెలిపింది. న్యాయవిద్య, పరిశోధనల కోసం అమరావతిలో భారత అంతర్జాతీయ వర్సిటీ స్థాపనకు ప్రభుత్వం తీసుకొచ్చిన అంతర్జాతీయ వర్సిటీ ఏర్పాటు బిల్లు–2025 బిల్లును మండలి ఆమోదించింది. అంతేకాకుండా, ఏపీ ప్రైవేటు వర్సిటీల (స్థాపన, క్రమబద్ధీకరణ) చట్టం–2025, ఏపీ వర్సిటీల సవరణ బిల్లు–2025లకు కూడా మండలి గ్రీన్‌ సిగ్నల్‌ ఇచ్చింది. విద్యారంగంలో ప్రైవేట్‌ యూనివర్శిటీలను నియంత్రించేందుకు, నాణ్యత మెరుగుపరచేందుకు తీసుకొచ్చిన ఈ బిల్లులను ఆమోదించింది. సుప్రీంకోర్టు మార్గదర్శకాల ప్రకారం, ‘కుష్టువ్యాధి‘ అనే పదాన్ని చట్టాల నుంచి తొలగించేందుకు తీసుకొచ్చిన చట్టసవరణ బిల్లును శాసనమండలి ఆమోదించింది.