ఆంధ్రా అభివృద్ధి.. అందనంత దూరంలో ఉందంటున్న చంద్రబాబు

Q2లో సెక్టార్‌ల వారీగా...

ప్లానింగ్ డిపార్ట్‌మెంట్ విడుదల చేసిన డేటా ప్రకారం, Q2లో గ్రాస్ వాల్యూ యాడెడ్ (GVA) 11.30 శాతం వృద్ధి చెంది. గత సంవత్సరం Q2లో 10.26 శాతం నుంచి గణనీయంగా పెరిగింది. మొత్తం GVA రూ. 3,70,078 కోట్లుగా చేరగా, GSDP రూ. 4,00,377 కోట్లకు చేరింది. బ్రాడ్ సెక్టార్ల వారీగా విభజించి చూస్తే...

సెక్టార్	2024-25 (Q2) GVA (₹ కోట్లు)	వృద్ధి (%)	2025-26 (Q2) GVA (₹ కోట్లు)	వృద్ధి (%)	దేశవ్యాప్త (%)
వ్యవసాయం	1,13,441	14.28	1,25,576	10.70	1.8
పరిశ్రమలు	1,47,053	21.75	1,64,075	11.30	10.6
GVA మొత్తం	3,43,921	10.26	3,70,078	11.30	8.7
GSDP మొత్తం	3,55,978	10.17	4,00,377	11.28	8.7

వ్యవసాయ రంగంలో 10.70 శాతం వృద్ధి గత సంవత్సరం 14.28 శాతం కంటే తగ్గినప్పటికీ, దేశ సగటు 1.8 శాతం ను బాగా మించింది. పంటల ఉత్పత్తి, లైవ్‌స్టాక్, ఫిషరీస్‌లో స్థిరత్వం కనిపిస్తోంది. పరిశ్రమల రంగం 11.30 శాతంతో బలంగా ఉండటం విశేషం. మైనింగ్, మాన్యుఫాక్చరింగ్, కన్‌స్ట్రక్షన్‌లో పెరుగుదల పెట్టుబడులు పెరిగాయన్నమాట. దేశవ్యాప్తంగా ఈ రంగం 10.6 శాతం మాత్రమే ఉండగా, ఏపీ ముందంజలో ఉంది. మొత్తంగా GSDP వృద్ధి 10.17 శాతం నుంచి 11.28 శాతంకు పెరగడం రాష్ట్ర ఆర్థిక వ్యవస్థలో ఉత్తేజ కరమైన ట్రెండ్‌ను సూచిస్తోంది.

ఏపీ సచివాలయంలో ఉన్నతాధికారులతో చర్చిస్తున్న చంద్రబాబు

Q2లో మరింత మెరుగు పడింది

ముఖ్యమంత్రి చంద్రబాబు నాయుడు విలేకరుల సమావేశంలో మాట్లాడుతూ "గత Q1లో 10.50శాతం వృద్ధి సాధించాం, ఇప్పుడు Q2లో మరింత మెరుగు పడటం మా ప్రయత్నాల ఫలితం. వ్యవసాయంలో స్థిరత్వం, పరిశ్రమల్లో బూస్ట్, సేవల రంగంలో టూరిజం డ్రైవ్ ఇవన్నీ మా విజన్‌కు సాక్ష్యం" అని పేర్కొన్నారు. దేశీయ GDP Q2లో 8.3 శాతం నుంచి 8.7 శాతం కు పెరిగినప్పటికీ, ఏపీ 11.28 శాతం తో దక్షిణ భారత రాష్ట్రాల్లో ముందుండటం గమనార్హం. ఈ వృద్ధి ట్యాక్స్ రెవెన్యూలు, ఉపాధి అవకాశాలను పెంచుతుందని అధికారులు వివరించారు.

H1లో 40 శాతం లక్ష్య సాధన, H2లో 59 శాతం టార్గెట్... సవాలు మరింత పెద్దది.

పూర్తి సంవత్సర లక్ష్యం 17.12 శాతం GSDP వృద్ధితో రూ. 18.65 లక్షల కోట్లు, H1 (ఏప్రిల్-సెప్టెంబరు)లో 40.64 శాతం సాధించాం. మిగిలిన H2 (అక్టోబర్-మార్చి)లో 59.36 శాతం చేరాలి. సెక్టార్ వారీగా...

సెక్టార్	మొత్తం టార్గెట్ GVA (రూ. కోట్లు)	H1 సాధన (%)	H1 GVA (రూ. కోట్లు)	H2లో సాధించాల్సిన GVA (రూ. కోట్లు)	H2 షేర్ (%)
వ్యవసాయం	6,02,728	34.36	2,07,073	3,95,655	65.64
పరిశ్రమలు	3,99,358	44.90	1,79,299	2,20,059	55.10
సేవలు	7,10,714	44.66	3,17,396	3,93,318	55.34
GVA మొత్తం	17,12,800	41.09	7,03,767	10,09,033	58.91
GSDP మొత్తం	18,65,704	40.64	7,58,270	11,07,434	59.36

H1లో పరిశ్రమలు, సేవలు 44-45 శాతం సాధించగా, వ్యవసాయం 34 శాతం మాత్రమే. H2లో వ్యవసాయంపై దృష్టి పెట్టాలని సీఎం సూచించారు. "మొత్తం GVA 16.55 శాతం లక్ష్యంతో రూ. 17.12 లక్షల కోట్లు, GSDP రూ. 18.65 లక్షల కోట్లు, ఇది పర్ క్యాపిటా ఆదాయాన్ని రూ. 2.68 లక్షలకు చేర్చుతుంది" అని సీఎం చెప్పారు. ఈ టార్గెట్‌ల సాధనకు మౌలిక సదుపాయాలు, FDI పెంపు కీలకమని అధికారులు చెప్పారు.

బలోపేత ట్రెండ్, కానీ సవాలులు కూడా

ఈ అంచనాలు రాష్ట్ర ఆర్థిక వ్యవస్థలో ఉత్తేజ కరమైన ఆసక్తిని చూపుతున్నాయి. Q1లో 10.50 శాతం నుంచి Q2లో 11.28 శాతం కు పెరగడం వల్ల H1 మొత్తం 10.89 శాతం సగటు వస్తుంది. దేశ సగటు 8.75 శాతం ను మించి ఉంది. పరిశ్రమలు, సేవలు బలంగా ఉండటం FDI, టూరిజం పెరుగుదలకు సంకేతం. కానీ వ్యవసాయ రంగంలో తగ్గుదల (14.28 శాతం నుంచి 10.70 శాతం) వర్షాకాల ప్రభావం, పంటల రక్షణ అవసరాన్ని సూచిస్తోంది. H2లో 59 శాతం టార్గెట్ సాధనకు రెవెన్యూ పెంపు, క్యాపెక్స్ పెరగాలి. విపక్షాలు కొన్ని విమర్శలు చేస్తున్నప్పటికీ, CAG రిపోర్టులు కూడా ఈ గ్రోత్‌ను ధృవీకరిస్తున్నాయి.

పౌరులకు, పెట్టుబడిదారులకు లాభాలు

ఈ వృద్ధి పర్ క్యాపిటా ఆదాయాన్ని పెంచి, వెల్ఫేర్ ప్రోగ్రాములు, మెట్రో, ఎయిర్‌పోర్టులు వేగవంతం చేస్తుంది. పెట్టుబడిదారులకు పరిశ్రమలు, సేవలు ఆకర్షణీయంగా మారతాయి. మొత్తంగా 2026-27కి 17.1 శాతం లక్ష్యం పెట్టుకుంటే ఏపీ రూ. 20 లక్షల కోట్ల ఆర్థిక వ్యవస్థగా మారుతుందని సీఎం ఆశాభావం వ్యక్తం చేశారు. Q3 అంచనాలు వచ్చిన తర్వాత మరిన్ని వివరాలు అందుబాటులో ఉంటాయి. రాష్ట్ర ఆర్థిక పురోగతి దేశానికి మాదిరిగా మారాలని సీఎం కోరారు.