V Hanumantha Rao|సీనియర్ నేత వీహెచ్ కారుపై దాడి
ఇంటిముందు రోడ్డుపై పార్క్ చేసున్న కారుపై కొందరు గుర్తుతెలీని వ్యక్తులు బుధవారం తెల్లవారిజామున 4 గంటల ప్రాంతంలో దాడిచేశారు.
కాంగ్రెస్ సీనియర్ నేత వీ హనుమంతరావు(వీహెచ్) కారుపై గుర్తుతెలీని దుండగులు దాడిచేసి ధ్వంసంచేశారు. ఇంటిముందు రోడ్డుపై పార్క్ చేసున్న కారుపై కొందరు గుర్తుతెలీని వ్యక్తులు బుధవారం తెల్లవారిజామున 4 గంటల ప్రాంతంలో దాడిచేశారు. కర్రలు, రాడ్లతో కారు అద్దాలు, తలుపులను ధ్వంసంచేశారు. వీహెచ్ కారుపై దాడిచేసి ధ్వంసంచేయటం ఇది రెండో సారి. కొందరు దుండగులు ముందు తమ కారుతో రోడ్డుపై పార్క్ చేసున్న కారును బలంగా ఢీ కొట్టారు. దాంతో కారుముందుభాగమంతా బాగా దెబ్బతినేసింది. తర్వాత కర్రలు, రాడ్లతో అద్దాలను పగలగొట్టేశారు.
రోడ్డుపైన కారుమీద ఎవరో దాడిచేస్తున్న విషయం అర్ధమైన ఇంట్లోవాళ్ళు వీహెచ్(V Hanumantha Rao) తో పాటు బయటకు వచ్చారు. ఇంట్లోనుండి మనుషులు వస్తున్న అలికిడి వినగానే గుర్తుతెలీని వ్యక్తులు పారిపోయారు. దాంతో వీహెచ్ ఫిర్యాదుచేయటంతో వెంటనే పోలీసులు ఇంటిదగ్గరకు చేరుకున్నారు. ఘటన జరిగిన ప్రాంతంలో పోలీసులు ఆధారాల కోసం గాలించినా పెద్దగా ఉపయోగంలేకపోయింది. తన కారును ధ్వంసంచేసిన వారిని వెంటనే గుర్తించి పట్టుకోవాలని పోలీసులను వీహెచ్ విజ్ఞప్తిచేశారు.2022, ఏప్రిల్ 14వ తేదీన కూడా ఇదే విధంగా అర్ధరాత్రి గుర్తుతెలీని వ్యక్తి కారుపైన దాడిచేసి ధ్వంసంచేసిన విషయాన్ని వీహెచ్ పోలీసులకు గుర్తుచేశారు.
రోడ్డుపైన ఉన్న సీసీ టీవీ ఫుటేజీ ఆధారంగా అప్పట్లో పోలీసులు దర్యాప్తుచేసి వీహెచ్ కారును ధ్వంసంచేసిన యువకుడు ఉత్తర్ ప్రదేశ్(UttarPradesh), రాయ్ బరేలి(Raebareli)కి చెందిన వికాస్ సింగ్ గా గుర్తించి అరెస్టు చేశారు. మరీ తాజా ఘటనకు ఎవరు కారణమని పోలీసులు తేల్చేతారో చూడాలి. రోడ్డుపైన ఉన్న సీసీ ఫుటేజీలను పోలీసులు పరిశీలిస్తున్నారు.
