ఏపీకి 'స్క్రబ్ టైఫస్' గుబులు, విజయనగరం జిల్లాలో తొలి మరణం

ఆంధ్రప్రదేశ్ లో స్క్రబ్ టైఫస్ బ్యాక్టీరియా హడలెత్తిస్తోంది. విజయనగరం జిల్లాలో తొలి మరణం నమోదు అయింది. అయితే ఈ మరణాన్ని అధికారికంగా ధృవీకరించలేదు గాని రాష్ట్రంలో ఎక్కడెక్కడ ఎన్నెన్ని కేసులు ఉన్నాయో ప్రకటించింది. తాజా సమాచారం ప్రకారం విజయనగరం జిల్లా చీపురుపల్లి మండలం మిట్టపల్లి గ్రామానికి చెందిన రాజేశ్వరి (36) స్క్రబ్ టైఫస్ వ్యాధితో మరణించినట్టు తెలుస్తోంది. కొంతకాలంగా ఆమె జ్వరంతో బాధపడుతున్నారు. జ్వర తీవ్రత పెరగడంతో ఆమె ప్రైవేట్ ఆసుపత్రికి వెళ్లారు. అక్కడ వైద్యులు పరీక్షలు నిర్వహించి స్క్రబ్ టైఫస్ అనే బ్యాక్టీరియా సోకిందని కొన్ని పరీక్షలు చేయించారు. చికిత్స పొందుతున్నప్పటికీ పరిస్థితి విషమించడంతో రాజేశ్వరి నవంబర్ 30న మరణించారు. దీంతో ఆ ప్రాంతంలో కలకలం చెలరేగింది.

ఈ ఒక్క ఘటన మాత్రమే కాదు, ప్రస్తుతం ఆంధ్రప్రదేశ్‌లో చాలా జిల్లాల్లోనూ ఈ వ్యాధి సోకిన కేసులు నమోదు అవుతున్నాయి. దీంతో ప్రజలు భయభ్రాంతులకు గురవుతున్నారు. రాష్ట్రవ్యాప్తంగా ఇప్పటివరకు 1,317 స్క్రబ్ టైఫస్ పాజిటివ్ కేసులు నమోదైనట్లు వైద్య ఆరోగ్యశాఖ ప్రకటించింది. అయితే విజయనగరం జిల్లాలోని తొలి మరణాన్ని ఇంకా ధృవీకరించలేదు.

ఇవి రకరకాల రూపంలో మనిషి శరీరంలోకి చేరుతుంటాయి. ఏవైనా క్రిమికీటకాలు కుట్టినపుడు ఇవి శరీరంలోకి జొరపడతాయి.

1. జ్వరం రెండు రోజులకు మించి కొనసాగితే తప్పనిసరిగా పరీక్షలు చేయించుకోవాలి.

ఏమైనా, విజయనగరం మహిళ రాజేశ్వరి మృతి స్క్రబ్ టైఫస్ ప్రమాదాన్ని మరోసారి ముందుకు తెచ్చింది. వ్యాధి తీవ్రత ఉన్నప్పటికీ, సమయానికి గుర్తించి చికిత్స తీసుకుంటే నయం అవుతుందని వైద్యులు భరోసా ఇస్తున్నారు. రాష్ట్రవ్యాప్తంగా కేసులు పెరుగుతుండడంతో ప్రజలు అప్రమత్తంగా ఉండటం, వ్యాధి లక్షణాలు కనిపించగానే నిర్లక్ష్యం చేయకుండా పరీక్షలు చేయించుకోవడం అత్యంత అవసరం.