PSLV-C59 రాకెట్ ప్రయోగం కౌంట్ డౌన్ ప్రారంభం..!

తిరుపతి జిల్లా సతీష్ ధావన్ స్పేస్ సెంటర్ షార్ లోని మొదటి లాంచ్ ప్యాడ్ నుండి డిసెంబర్ 4వ తేదీ సాయంత్రం నాలుగు గంటల 8 నిమిషాలకు శ్రీహరికోట నుండి పీఎస్ఎల్వీ సి-59 వాహక నౌక ద్వారా భూమి నుండి 60 వేల కిలోమీటర్లు ఎత్తులో భూ ఆకర్షణ శక్తి తక్కువగా ఉన్న కక్షలోకి దూసుకెళ్లనుంది. ఈ ప్రోబా. 3 సాటిలైట్‌ను ఇస్రో శాస్త్రవేత్తలు నింగిలోకి పంపనన్నారు. ఈ ప్రయోగానికి సంబంధించి కౌంట్ డౌన్ ప్రక్రియ డిసెంబర్ మూడవ తేదీన మధ్యాహ్నం రెండు గంటల 38 నిమిషాలకు శ్రీహరికోటలోని మొదటి రాకెట్ ప్రయోగ వేదిక నుండి కౌంట్ డౌన్ ప్రక్రియను మొదలుపెట్టనున్నారు ఇస్రో శాస్త్రవేత్తలు.ఈ కౌంట్ డౌన్ ప్రక్రియ 25 గంటల 30 నిమిషాల పాటు కొనసాగిన తర్వాత డిసెంబర్ 4వ తేదీ సాయంత్రం నాలుగు గంటల 8 నిమిషాలకు పిఎస్ఎల్వీ-సి59 రాకెట్ ద్వారా ప్రోబా. 3 సాటిలైట్లు నిర్దేశించిన కక్షలోకి ప్రవేశపెట్టనున్నారు. ఈ ప్రయోగం ద్వారా యూరోపియన్ దేశానికి చెందిన రెండు ఉపగ్రహాలను ఈ ప్రోబా. 3 ఉపగ్రహంలో అమర్చి నింగిలోకి పంపనున్నారు ఇస్రో శాస్త్రవేత్తలు. ఇందులో ఒకటి ఓకల్టర్ సాటిలైట్ మరొకటి కరోనా గ్రాఫ్ శాటిలైట్ అనే ఈ రెండు ఉపగ్రహాలను కక్ష్యలోకి ప్రవేశపెట్టనున్నారు. ఈ PSLV-C59 రాకెట్ ప్రయోగం ద్వారా భూమి నుండి 30 వేల కిలోమీటర్ల ఎత్తునుండి 60 వేల కిలోమీటర్లు ఎత్తులోని గురుత్వాకర్షణ శక్తి చాలా తక్కువగా ఉన్న కక్షలోకి ఈ రెండు ఉపగ్రహాలను ప్రవేశపెట్టనున్నారు. ఈ పిఎస్ఎల్‌వి- సి59 రాకెట్ ప్రయోగం పూర్తిగా విదేశీ రాకెట్ ప్రయోగం. పూర్తి కమర్షియల్ రాకెట్ ప్రయోగం.అయితే, ఈ ప్రోబా. 3 శాటిలైట్ పూర్తిగా సూర్యునిపై పరిశోధనలు చేసేందుకు యూరోపియన్ స్పేస్ ఏజెన్సీ ప్రయోగిస్తున్న రాకెట్. ఇదిలా ఉండగా ఇస్రో ఇప్పటికే చంద్రయాన్ లాంటి ప్రయోగాలు చేపట్టి చంద్రునిపై ఎన్నో పరిశోధనలు చేసింది. అలాగే సూర్యునిపై పరిశోధనల కోసం ఆదిత్య యల్ వన్ రాకెట్ ప్రయోగం చేపట్టి, సూర్యునిపై కూడా పరిశోధనలు చేపట్టింది. అయితే ప్రస్తుతం ఈ పి ఎస్ ఎల్ వి – సి59 రాకెట్ ప్రయోగం ద్వారా యూరోపియన్ స్పేస్ ఏజెన్సీ రూపొందించిన ప్రోబా. 3 మన దేశానికి చెందిన పిఎస్ఎల్వి సి 59 రాకెట్ ద్వారా ప్రయోగించడం విషయం.