రోడ్డు మార్గంలో నో పర్మిషన్ ..హెలీకాప్టర్ ఓకే

వైసీపీ అధినేత జగన్ అనకాపల్లి జిల్లా పర్యటనపై పోలీసులు ఆంక్షలు విధించారు. జగన్ ప్రయాణించే మార్గం విషయంలో కీలక సూచనలు చేశారు. ప్రజాభద్రత, ట్రాఫిక్ సమస్యలను దృష్టిలో ఉంచుకొని ఆయన రోడ్డు మార్గంలో ప్రయాణించేందుకు అనుమతి నిరాకరించారు. కేవలం హెలికాప్టర్‌లో మాత్రమే పర్యటనకు రావాలని స్పష్టం చేశారు.

జగన్ ఈ నెల 9వ తేదీన అనకాపల్లి జిల్లాలోని మాకవరపాలెంలో పర్యటిస్తారు.అందుకోసం వైసీపీ పూర్తి ఏర్పాట్లు చేసుకుంది. విశాఖపట్నం విమానాశ్రయం నుంచి మాకవరపాలెం వరకు సుమారు 63 కిలోమీటర్ల మేర రోడ్డు మార్గంలో ప్రయాణించేందుకు వైసీపీ నేతలు పోలీసుల అనుమతి కోరారు. అయితే అందుకు జిల్లా పోలీసులు అనుమతి ఇవ్వలేదు.