పార్వతీపురం అత్యంత సమస్యాత్మకం

ఆంధ్రప్రదేశ్‌లో ఎన్నికల సందర్భంగా పార్వతీపురం మన్యం జిల్లాను అత్యంత సమస్యాత్మకమైన జిల్లాగా ఎన్నికల సంఘం ప్రకటించింది. ఈ జిల్లాలో ఉదయం 7 గంటల నుంచి సాయంత్రం 4 గంటల వరకు పోలింగ్‌ జరిగింది. జిల్లా వ్యాప్తంగా పోలింగ్‌ 61.18 శాతం నమోదైంది. అల్లూరి సీతారామరాజు జిల్లాను మించి పోలింగ్‌ నమోదు కావడం విశేషం. మావోయిస్టుల ప్రభావం ఉన్న జిల్లాగా ప్రభుత్వం గురించినందున అత్యంత సమస్యాత్మకమైన జిల్లాల్లో ఒకటిగా తీసుకుంది. ఈ జిల్లా పూర్తిగా ఏజెన్సీ ప్రాంతంలో ఉంది. ఆంధ్ర, ఒరిస్సా బార్డర్‌లో ఉన్నందున ఎన్నికల అధికారులు కూడా ఒకరోజు ఇక్కడికి ముందుగా చేరుకోవాల్సి వచ్చింది. ఇక్కడ కూడా అడవుల్లో సరైన రహదారులు లేకపోయినా గిరిజనులు నడుచుకుంటూ పోలింగ్‌ కేంద్రాలకు చేరుకొని ఓట్లు వేశారు.