వైకల్యాన్ని జయించి..ఆకాశమే హద్దుగా రాణించి

శారీరక వైకల్యం క్రీడలకు ఆటంకం కాదని, పట్టుదల ఉంటే ఆకాశమే హద్దుగా రాణించవచ్చని నిరూపించింది కర్నూలు జిల్లా మద్దికెరకు చెందిన మట్టిలో మాణిక్యం మడకశిర శివాని. రాష్ట్రపతి ద్రౌపది ముర్ము చేతుల మీదుగా 'రాష్ట్రీయ బాల పురస్కార్' అందుకోవడంతో ఆమె పేరు దేశవ్యాప్తంగా మారుమోగిపోతోంది. శుక్రవారం ఢిల్లీలో జరిగిన 'వీర్ బాల్ దివాస్' కార్యక్రమంలో భారత రాష్ట్రపతి ద్రౌపది ముర్ముచేతుల మీదుగా శివాని ఈ పురస్కారాన్ని అందుకున్నారు. ఈ సందర్భంగా రాష్ట్రపతి శివానిని అభినందిస్తూ మెడల్, ప్రశంసా పత్రాన్ని అందజేశారు.