కొత్త జిల్లాలు..కొత్త ఉత్సాహం..కొత్త పాలన!

ఆంధ్రప్రదేశ్ రాష్ట్రంలో సరికొత్త పాలనా శకం మొదలైంది. గత ప్రభుత్వం చేసిన జిల్లాల విభజనలో దొర్లిన లోపాలను సవరిస్తూ, ప్రజల ఆకాంక్షలకు అనుగుణంగా ముఖ్యమంత్రి నారా చంద్రబాబు నాయుడు నేతృత్వంలోని కూటమి ప్రభుత్వం జిల్లాల పునర్వ్యవస్థీకరణను పూర్తి చేసింది. కొత్తగా ఏర్పాటైన పోలవరం, మార్కాపురం జిల్లాలతో కలిపి రాష్ట్రంలో మొత్తం జిల్లాల సంఖ్య 28కి చేరింది. మంగళవారం జారీ చేసిన తుది గెజిట్ నోటిఫికేషన్ ప్రకారం, బుధవారం (డిసెంబర్ 31, 2025) నుంచే అన్ని కొత్త జిల్లాల్లో పాలనా వ్యవహారాలు అధికారికంగా ప్రారంభమయ్యాయి.

కొత్తగా రెండు జిల్లాలు.. మదన్ పల్లికి మకుటం

పోలవరం జిల్లా: రంపచోడవరం కేంద్రంగా ఈ జిల్లా ఏర్పాటైంది. ఇందులో రంపచోడవరం, చింతూరు రెవెన్యూ డివిజన్లు ఉన్నాయి.

మార్కాపురం జిల్లా: ప్రకాశం జిల్లా నుంచి విడదీసి మార్కాపురం కేంద్రంగా కొత్త జిల్లాను ఏర్పాటు చేశారు. ఇందులో మార్కాపురం, కనిగిరి రెవెన్యూ డివిజన్లు భాగమయ్యాయి.

అన్నమయ్య జిల్లా: ఈ జిల్లా కేంద్రం ఇప్పటివరకు రాయచోటిలో ఉండగా, ఇకపై మదనపల్లె జిల్లా కేంద్రంగా వ్యవహరిస్తుంది. ప్రజల చిరకాల కోరిక మేరకు ఈ మార్పు చేశారు.

5 కొత్త రెవెన్యూ డివిజన్లు